Tags-Neend

ḳhizāñ jab tak chalī jaatī nahīñ hai
chaman vāloñ ko niiñd aatī nahīñ hai

hai añkhḌiyoñ meñ niiñd to ik kaam kījiye
ye bhī to ghar hai aap kā ārām kījiye

phir zarā sī der meñ chauñkā.egā ḳhvāb-e-sahar
āḳhir-e-shab jāgne ke ba.ad niiñd aa.ī to kyā

fusūn-e-sohbat shab meñ to niiñd Taltī rahī
phiruñgā din ko ye bār-e-garāñ uThā.e hue

kal vasl meñ bhī niiñd na aa.ī tamām shab
ek ek baat par thī laḌā.ī tamām shab

paa.e hue is vaqt ko khonā hī bahut hai
niiñd aa.e to is haal meñ sonā hī bahut hai

'hassan' rātoñ ko jab sab log mīThī niind sote haiñ
to ik ḳhvāb-āshnā chehra hameñ bedār kartā hai

narmī-e-bālish-e-par ham ko nahīñ bhātī hai
dam-e-shamshīr pe sar rakkheñ to niiñd aatī hai

saaya nahīñ thā niiñd kā āñkhoñ meñ duur tak
bikhre the raushnī ke nagīñ āsmān par

uf re ye shor-e-salāsil niiñd sab kī uḌ ga.ī
do rihā.ī aa ke tum pā-basta-e-zanjīr ko

zindagī kī kashmakash 'bāqī' na pūchh
niiñd jab aatī hai so jaate haiñ ham

niind ujḌī to nigāhoñ meñ manāzir kyā haiñ
ham ki betāb kisī ḳhvāb kī ḳhātir kyā haiñ

ik ḳhvāb ḳhazāna nīñdoñ kā vo ham sab ne barbād kiyā
ik niiñd ḳharāba ḳhvāboñ kā aur ham sab us meñ rahte haiñ

duniyā kyā hai barf kī ik almārī hai
ek ThiThurtī niiñd sabhī par taarī hai

aaj kī raat bahut garm havā chaltī hai
aaj kī raat na fōtpath pe niiñd aa.egī

aaj kī raat bahut garm havā chaltī hai
aaj kī raat na fōtpath pe niiñd aa.egī

'jāved' kabhī maiñ shādāñ thā mire saath tarab kā tūfāñ thā
phir zindagī mujh se ruuTh ga.ī mirā chain gayā mirī niiñd ga.ī

maiñ kab se huuñ aas lagā.e hue ik sham-e-umīd jalā.e hue
koī lamha sakūñ kā mile to sahī mirā chain gayā mirī niiñd ga.ī

maiñ laakh rahūñ yūñhī ḳhāk-basar shādāb raheñ tire shām-o-sahar
nahīñ us kā mujhe shikva bhī koī mirā chain gayā mirī niiñd ga.ī

kyā ho gayā kaisī rut palTī mirā chain gayā mirī niiñd ga.ī
khultī hī nahīñ ab dil kī kalī mirā chain gayā mirī niiñd ga.ī