Tags-Neend

ye shahr gahrī niiñd meñ jaatā nahīñ kabhī
har shaḳhs apne apne ta.iiñ mahv-e-ḳhvāb hai

zindagī kī dauḌ meñ pīchhe na rah jaa.eñ kisī se
ḳhauf-o-ḳhvāhish ke ye paikar niind meñ bhī chal rahe haiñ

thoḌā thoḌā ye jo suhāgan rañg ikaTThā dil meñ huā hai
jaane kitne bhed nichoḌe niiñd gañvā.ī pyaas churā.ī

sabhī ko niiñd aa chukī thī yuuñ to parī se mil kar
magar vo ik tifl jo kahānī se Dar rahā thā

ek taarā nā-gahāñ chamkā girā aur bujh gayā
phir na aa.ī niiñd taare rāt-bhar dekhā kiye

maiñ ek lamha thā aur niiñd ke hisār meñ thā
phir ek roz kisī ḳhvāb ne jagāyā mujhe

bin tumhāre kabhī nahīñ aa.ī
kyā mirī niiñd bhī tumhārī hai

aane vaale din kī fikreñ ḳhvāboñ ko Das letī haiñ
niiñd se jaltī āñkhoñ ko be-manzar karnā paḌtā hai

vo jin ke dam se zamāne ke ḳhvāb rañgīñ haiñ
hamārī niiñd bhī aa kar kabhī harām kareñ

momin maiñ apne nāloñ ke sadqe ki kahte haiñ
us ko bhī aaj niiñd na aa.ī tamām shab

āhaTeñ niiñd kī jo sunñe ko tarse āñkheñ
vo hī bachpan kī tarah farsh ko bistar kar de

barfīlī rut kī tez havā kyuuñ jhiil meñ kañkar pheñk ga.ī
ik aañkh kī niiñd harām huī ik chāñd kā aks ḳharāb huā

niiñd se ab bhī duur haiñ āñkheñ go ki rahīñ shab-bhar be-ḳhvāb
yādoñ ke be-ma.anī daftar ḳhvāboñ ke afsurda shahāb

niind se jaagā huuñ to baiThā sochtā huuñ
ḳhvāb meñ us ko paayā thā yā saayā thā

ḳhayāl-e-vasl meñ rahte haiñ raat bhar bedār
tumhāre hijr ke māroñ ko niiñd kyā aa.e

tum apnī niiñd se jaago to ik savāl kareñ
ki rat-jagoñ kā hamāre hisāb degā kaun

na niiñd āñkhoñ meñ baaqī na intizār rahā
ye haal thā to koī nek kaam kyā karte

mire shānoñ pe un kī zulf lahrā.ī to kyā hogā
mohabbat ko ḳhunuk saa.e meñ niind aa.ī to kyā hogā

niiñd merī to le gayā koī
kaise dekhūñ maiñ is ko ḳhvāboñ meñ

diloñ meñ dāġh-e-mohabbat kā ab ye aalam hai
ki jaise niiñd meñ Duube hoñ pichhlī raat charāġh