Tags-Nigaah

tamām harf-o-hikāyat miTā ga.ī dil se
nigāh-e-nāz ne kahne ko kuchh kahā bhī nahīñ

hai dil ke vāste sham-e-umīd-o-mash.al-o-rāh
vo ik nigāh jise dil se vāsta bhī nahīñ

nigāh-e-nāz-e-ibārat hai zindagī jis se
sharīk-e-dard to kyā dard-āshnā bhī nahīñ

hai markaz-e-nigāh abhī tak vo āstāñ
ye aur baat hai ki majāl-e-safar nahīñ

haath aa ga.ī kalīd-e-tilism-e-nigāh kyā
khulne lage haiñ husn ke asrār-e-ishq meñ

us nāfa-e-nigāh se pāgal hue to kyā
zanjīr hai ye dard kā āzād ishq meñ

nigāh-e-mast un kī keh rahī hai
kahīñ hotī rahī sāqī-garī raat

dekhe to koī shān-e-sahar-e-nigāh-e-sāqī
sāġhar meñ khiñch ke rūh-e-mai-e-ḳhāna aa ga.ī hai

shām-e-balā na mujh se churā is tarah nigāh
tanhā nahīñ huuñ maiñ mirī tanhā.iyāñ bhī haiñ

be-fikr ho gayā huuñ dil-o-jāñ se is liye
us kī nigāh-e-nāz nigahbān ho ga.ī

is se ziyāda ret ke tūfān tujh meñ haiñ
jharne tirī nigāh meñ jitne haiñ zaat ke

khiñchā jo tūl-e-shab-e-judā.ī añdherī madfan kī yaad aa.ī
nigāh o dil par vo yaas chhā.ī umiid jaatī rahī sahar kī

bahāv tez thā dariyā kā chand lamhoñ meñ
mirī nigāh kī had se vo duur jā niklā

mirī nigāh meñ ḳhvāhish kā shā.iba bhī na thā
ye barf sī tire chehre pe kyuuñ pighalne lagī

dushman pe bhī nigāh rahe aib-bīñ hai vo
ye kyā ki sirf chāhne vāloñ ko dekhiye

paimāna-e-nigāh se āḳhir chhalak gayā
sar josh-e-zauq-e-vasl-e-tamannā kaheñ jise

vo ik nigāh ai dil-e-mushtāq is taraf
āshob-gāh-e-hashr-e-tamanā kaheñ jise

nigāh-e-iltifāt-e-mehr aur andāz-e-dil-jūī
magar ik pahlū-e-betābī-e-shabnam nikaltā hai

ai but-e-mehr-vash kabhī Tuk to nigāh garm ho
ashk se kab talak raheñ dāman-o-jeb tar-ba-tar

burā ho mirī nā-tavānī tirā
nigāh-e-dam-e-vāpsīñ ho chukī