Tags-Nigaah

tamām ho ga.e ham ik nigāh-e-qātil se
rageñ gale kī taḌaptī rahīñ chhurī ke liye

ḳhayāl husn-e-ḳhayāl meñ gum
nigāh ḳhvāb-e-jamāl meñ gum

jab kitāboñ ke navishtoñ se phisal kar
mirī darmāñda nigāh

terā nigāh-e-shauq koī rāz-dāñ na thā
āñkhoñ ko varna jalva-e-jānāñ kahāñ na thā

le dām-e-nigāh-e-yār aayā
karne kuuñ mujhe shikār aayā

ḳhalish-e-dil pe kuchh bharosā thā
vo bhī terī nigāh ho ke rahī

'ja.afar' hamārā dil bhī hai vo aa.ina ki bas
khaa.ī zarā nigāh kī Thokar bikhar gayā

dekh kar un kī nigāh-e-lutf ik muddat ke baad
kyā batā.eñ kyā ḳhayāl aayā ki aañsū aa ga.e

nigāh-e-sharm ke zaḳhmī haiñ teġh-e-nāz ke bismil
taḌapne ke liye ham ko pas-e-dīvār rahne deñ

daadā ne āsmān kī jānib nigāh kī
godī meñ jam gayā to musallā uThā diyā

nigāh kard zi-qahr-o-itāb fitna-gare
ba-īñ tavaqquf-e-andak havās-o-hosh-e-rabūd

nigāh-e-nāz meñ dil kā kuchh eqtidār nahīñ
agar abhī hai ye maqbūl to abhī mardūd

nigāh-e-nāz ke jauhar ye paa.e kyā mumkin
fuġhāñ bhī teġh hai lekin hai teġh-e-zañg-ālūd

hamāre haal ko dekho nigāh-e-ibrat se
ye baat ham se na pūchho ki kaun kaisā thā

milegā kyuuñ kisī dushman kī āstīñ pe lahū
tumhārā 'shams' nigāh-e-karam kā maarā thā

bas ik nigāh-e-karam kā umīd-vār huuñ maiñ
jafā-shi.ār tujhe merī iltijā kī qasam

daaġh hai mujh pe ishq kā merā gunāh bhī to dekh
us kī nigāh bhī to dekh jis ne ye gul khilā diyā

zauq-e-nigāh ke sivā shauq-e-gunāh ke sivā
mujh ko butoñ se kyā milā mujh ko ḳhudā ne kyā diyā

ġhurūr-e-husn kī be-iltifātiyoñ kī tarah
nigāh-e-shauq rahī ab na iltijā.eñ rahīñ

jo kitāb-e-ishq ke baab the tirī dastaras meñ bikhar ga.e
vo jo ahd-nāma-e-ḳhvāb thā vo mirī nigāh meñ jal-bujhā