Tags-Nigaah

tū bachā bachā ke na rakh ise tirā aa.ina hai vo aa.ina
ki shikasta ho to azīz-tar hai nigāh-e-ā.īna-sāz meñ

nigāh kī bandisheñ salāmat junūñ kī pābandiyāñ musallam
kahīñ bharam khul gayā to ai dil maiñ kyā karūñgā vo kyā kareñge

mirī nigāh kī vus.at bhī is meñ shāmil kar
mirī zamīn pe terā ye āsmāñ kam hai

izn hañgāma-e-nigāh na de
kyā hamārī bisāt aur ham kyā

tirī nigāh meñ chāhat kahāñ talāsh karūñ
tirī sarisht meñ shāyad vafā kī ḳhū bhī nahīñ

nigāh uTThe to shā.ista-e-junūñ ho jaa.eñ
havas ko said kare vo jamāl hai us kā

shu.ūr-e-ishq agar fitrat-e-nigāh meñ hai
hañsī meñ us kī vahī hai jo merī aah meñ hai

nigāh-e-shauq-e-musalsal usī ko chheḌe jā
jabīñ pe jis kī shikan ke sivā kuchh aur nahīñ

shāyad isī ġharaz se chaḌhe the nigāh par
vo raah pā ke aañkh se dil meñ utar ga.e

kyā nazar kī hushyārī ḳhud-asīr-e-mastī hai
jo nigāh uThtī hai mahv-e-ḳhud-parastī hai

rūh-parvar hai nigāh-e-nāz qātil kā asar
jis ko dekhā jī uThā jis ko na dekhā mar gayā

vaqt, mausam 'nazar' nigāh meñ rakh
kis ne tujh se kahā ye raag alaap

zarā nigāh uThāo ki ġham kī raat kaTe
nazar nazar se milāo ki ġham kī raat kaTe

pastie-e-har-bulandi-e-duniyā
muntahā-e-nigāh se pūchho

dard kā haal aah se pūchho
dil kī bāteñ nigāh se pūchho

sabhī marhale rah-e-shauq ke the nigāh meñ
mire hausle rahe nā-tavāñ mire mehrbāñ

tire ḳhayāl se hai masti-e-nazar merī
tirī nigāh se maiñ ne sharāb chhānī hai

faroġh-e-jalva-e-ummīd terī umr darāz
siyāh raat hai sar par sahar nigāh meñ hai

azīz-tar tirī bāteñ ki is sukūt ke saath
tamām shoḳhī-e-lafz-o-bayāñ nigāh meñ hai

bulandiyoñ se guzar kar ḳhirad kā haal na pūchh
bas ik ġhubār-e-tahayyur liye nigāh meñ hai