Tags-Pani

ghaTā ġham ashk paanī aah bijlī
barastā hai ajab barsāt tum bin

is se pahle ki kahānī se kahānī nikle
aa mire dil meñ utar aañkh se paanī nikle

us pe mauqūf hai jo hukm ho dariyā dekhe
ret nikle yā tarā.ī meñ se paanī nikle

ab to ashkoñ kī ravānī meñ na rakkhī jaa.e
us kī tasvīr hai paanī meñ na rakkhī jaa.e

ai gul-e-āvārgī terī mahak tāroñ se khele
ai nadī bahtā rahe daa.im tirā bedār paanī

kañkarī maare se paanī meñ asar jaage hai
ik zarā ḳhvāhish-e-parvāz se par jaage hai

raat ghanerī ghor ghaTā.eñ sāvan sī barsāt 'alī'
yaad kā panchhī vaqt-e-āḳhir aañkh meñ paanī tū aur maiñ

intihā.ī sukh kihīñ āñkhoñ meñ mere ḳhvāb hoñ
intihā.ī dukh unhīñ āñkhoñ meñ paanī dekhnā

ubhre hue chhāle haiñ hai rokā huā aañsū
bas bujh chukī ye aag ki paanī se lagī hai

dil to kyā chiiz hai patthar ho to paanī ho jaa.e
mere naale abhī itnā to asar rakhte haiñ

ġham bayāñ ho pyaas kā kuchh is tarah
ret se paanī nikalnā chāhiye

bahut gadlā thā paanī is nadī kā
magar maiñ apnā chehra dekh aayā

sher-imdād-alī paanī kī amānat ġhasb kiye
apne ghar meñ zanjīr hue baiThe haiñ

is bartan kā mailā paanī amrit jaisā hai
is meñ nannhī chiḌiyāñ aa kar pyaas bujhātī haiñ

sunā hai us tālāb kā paanī baḌā nashīlā hai
sunā hai us meñ pariyāñ aa kar roz nahātī haiñ

nahr meñ saaf kuchh bhī dikhtā nahīñ
aaj paanī pe kitnī kaa.ī hai

paanī samundaroñ kā na chhalnī se māpiye
aisā na ho ki saarā kiyā rā.egāñ rahe

har saal bahār se pahle maiñ paanī par phuul banātā huuñ
phir chāroñ mausam likh jaate haiñ naam tumhārā āñkhoñ meñ

hamāre jism haiñ paanī pe jaise tasvīreñ
bikharte rañgoñ ke dukh kā sila na ham haiñ na tum