Tags-Pani

maiñ zard aag na paanī ke sard Dar meñ rahā
rahā to soī huī ḳhaak ke ḳhatar meñ rahā

maiñ ne ik peḌ samundar ke jazīre se liyā
aur chaTTān pe paanī kī ravānī likkhī

ghaḌe meñ tasbīh kartā paanī
vazū kī ḳhātir uchhal rahā thā

talab se aar hai itnī ki pyaas gar na bujhe
jigar ke ḳhuun ko paanī banā banā ke piyūñ

paanī kī ḳhāmosh sadā.eñ kaun sune
ḳhatm huiiñ jab miTTī kī tāsīreñ bhī

jin kā har lafz mujhe yaad hai paanī kī tarah
yaad the mujh ko jo paiġhām-e-zabānī kī tarah

raat ga.e tak yūñhī tanhā sāhil par
ghūmte rahnā paañv paañv paanī meñ

mire najm-e-ḳhvāb ke rū-ba-rū koī shai nahīñ mire Dhañg kī
ye falak hai kisht-e-ġhubār sā ye zamīñ hai paanī ke rañg kī

kachchī miTTī ke 'farhat-ehsās' zarā paanī meñ sambhal kar
dariyā meñ tum ḳhuub nahāte ho jab bhī mastī aatī hai

saaqī tū chāhe to vo daur bhī aa saktā hai
ki mile jām-e-sharāb us ko jo paanī māñge

kaun 'ājiz' sila-e-tishna-e-dahānī māñge
ye jahāñ aag use detā hai jo paanī māñge

mar chukā maiñ to nahīñ us se mujhe kuchh hāsil
barse gar paanī kī jā āb-e-baqā mere ba.ad

hañsnā ronā paanā khonā marnā jiinā paanī par
paḌhiye to kyā kyā likkhā hai dariyā kī peshānī par

tujhe chal zarā sā maiñ mīThā banā duuñ
samundar se dariyā kā paanī kahe hai

yādoñ kī dīvār girātā rahtā huuñ
maiñ paanī se aañkh bachātā rahtā huuñ

batā kar duudh jab paanī diyā thā saath roTī ke
yuuñ maañ kā raat phir bachchoñ ko bahlānā zarūrī thā

vasl ke baad yuuñ lagā jaise
ho mirā iztirāb paanī meñ

pheñk kar saare ḳhvāb paanī meñ
dekhtā huuñ sarāb paanī meñ

be-qarārī se bahr kī 'aḳhtar'
aa gayā inqalāb paanī meñ

shaam ko le ke tere lab kī shafaq
aa gayā āftāb paanī meñ