Tags-Pani

phir kyuuñ sazā-e-tishna-labī dī ga.ī mujhe
paanī ko bhī sharāb samajhne lagā thā maiñ

tumhārā lahja to dariyā hai bahte paanī kā
ye aag ban ke samundar meñ kyuuñ bhaḌaktā hai

rulātā hai mujhe har-dam tasavvur rū-e-jānāñ kā
bharā hai paanī āñkhoñ meñ yahāñ chāh-e-zanaḳhdāñ kā

aag paanī meñ kyuuñ lagāte ho
nek jo log haiñ bujhāte haiñ

mushk bharī hai maiñ ne donoñ hāthoñ kaTā kar
sochoñ ke paanī par pahra lagā huā thā

kisī ran meñ saath husain kā deñ kis nahr se paanī le aa.eñ
is shahr ke saare nauhagar koī aisī bhuul nahīñ karte

samundaroñ pe baras kar na ho fanā bādal
jo log pyāse haiñ un ke laboñ ko paanī de

miTTī us kī paanī us kā
jaisī chāhī shakl banā dī

sukūt-e-āb pe kañkar uchhāl kar ḳhush the
ab aaj paanī pe ghar kī asaas rakhte haiñ

dil-e-ma.ashūq patthar hai to hove
maiñ is ko paanī paanī kar rahā huuñ

paanī kī maujoñ pe likkhī hai lamhoñ kī be-rūh kahānī
kyā paayā hai kyā khoyā hai maiñ sadiyoñ se khoj rahā huuñ

maiñ ne apnī ḳhushk āñkhoñ se lahū chhalkā diyā
ik samundar kah rahā thā mujh ko paanī chāhiye

duudh kā duudh bhī aur paanī kā paanī hogā
rū-ba-rū baiTh ke bāteñ kabhī harjā.ī kar

ḳhush bahut na ho sun kar sāhiloñ kā āvāza
ik fasīl paanī kī aur darmiyāñ meñ hai

jitnī umr sarāboñ kā pīchhā karne meñ guzartī hai
itnā gahrā pyaas kā rishta paanī se ho jaatā hai

gulāb bahtā rahā ḳhvāhishoñ ke paanī meñ
havā.eñ chaltī rahīñ aur diyā machaltā rahā

mujh ko paanī meñ utarne kī sazā detā hai
vo samajhtā hai ki dariyā nahīñ dekhā maiñ ne

husn-e-kul kā ārzū-mand is tunuk-jānī meñ huuñ
mere qad se jo bahut ūñchā hai us paanī meñ huuñ

kyā ḳhabar merā safar hai aur kitnī duur kā
kāġhzī ik naav huuñ aur tez-rau paanī meñ huuñ

dil kā phailāv to zamīn kā phailāv hai
gandum phal shīsham aur paanī