Tags-Pani

tum ne kuchh paḌh kar phūñkā miTTī ke piyāle meñ
yā miTTī meñ guñdhī huī tāsīr hai paanī kī

tujh se bhī kab huī tadbīr mirī vahshat kī
tū bhī muTThī meñ kahāñ bheñch sakā paanī ko

chāñd ne jhiil ke bistar pe jo karvaT badlī
chāñdnī TuuT ke paanī meñ bikhar saktī hai

kahāñ bāda-e-aish taqdīr meñ
piyūñ maiñ to ho jaa.e paanī sharāb

kār-e-farhād se ye kam to nahīñ jo ham ne
aañkh se dil kī taraf moḌ diyā paanī ko

lab-e-sāhil samundar kī farāvānī se mar jā.ūñ
mujhe vo pyaas hai shāyad ki maiñ paanī se mar jā.ūñ

is samundar kī kasāfat aañkh meñ chubhne lagī
us kā chehra aur hī paanī se dhonā chāhiye

kapḌe ko paanī meñ Dubo kar jo log
dīvāreñ saaf kar rahe the

yaar ne paanī pher diyā hai
ḳhaak hamārī ḳhaak uḌegī

aañkh bhar aa.ī barkhā ke paanī kī jab
naav kāġhaz kī bachche bahāne lage

koī to paanī kī vīrānī ko samjhegā kabhī
dekhtā rahtā huuñ ab maiñ bhī samundar kī taraf

use jo dhuup liye dil ke gaañv meñ utrā
rahaT se chaah kā paanī pilāne vaalī huuñ

ḳhuuñ ubaltā hai nikaltā hai dhuāñ āñkhoñ se
dekh paanī kī ye tahrīr nikal aa.ī hai

ik paanī kī oT meñ saarī duniyā bastī hai
kis ne bhare ā.ankhoñ ke pyāle ye ham kyā jāneñ

kañval khilā thā mohabbat kā jis ke paanī par
vo jhiil us ke kināre fareb dete rahe

sūkhe pattoñ kī tarah TuuT ke gir jaate haiñ rishte bhī agar in ko mohabbat kī tar-o-tāza havā paanī jo ehsā
haañ magar

dekhtā huuñ jo ḳhud ko paanī meñ
jism miltā hai sar nahīñ miltā

uñjho añkhiyāñ ke roġhan haiñ hamāre shola-e-dil kuuñ
bujhānā ishq kī ātish nahīñ hai kaam paanī kā

sāf-o-shaffāf paanī kā dhārā
qutub-e-shumālī se

tavīl umr kī Dheroñ duā.eñ bhejī haiñ
mire charāġh ko paanī se bharne vāloñ ne