Tags-Pani

bahte paanī par dīvānā
kis ko ḳhat likhtā rahtā hai

paanī siyāne dete haiñ kyā phūñk phūñk kar
dil soz-e-ġham ne ḳhaak kiyā phūñk phūñk kar

ḳhushkī pe rahūñgī kabhī paanī meñ rahūñgī
tā umr isī naql-e-makānī meñ rahūñgī

ek tasvīr jalānī hai abhī
haañ magar aañkh meñ paanī hai abhī

hai duud ḳhāk-dār bahut paak ho havā
paanī hai zer-e-bār bahut kaa.ī ḳhatm ho

paanī paanī kar ga.ī mujko qalandar kī ye baat
tū jhukā jab ġhair ke aage na man terā na tan

yuuñ guzartā hai vo katrā ke navāh-e-dil se
jaise ye ḳhaak kā ḳhitta bhī ho paanī kī tarah

phir tirī yaad na.e ḳhvāb dikhāne aa.ī
chāñdnī jhiil ke paanī meñ nahāne aa.ī

tum ko shikva hai mire ahd-e-mohabbat se magar
tum ne paanī pe koī lafz kabhī likkhā hai

aag bahte hue paanī meñ lagāne aa.ī
tere ḳhat aaj maiñ dariyā meñ bahāne aa.ī

thame aañsū to phir tum shauq se ghar ko chale jaanā
kahāñ jaate ho is tūfān meñ paanī zarā Thahre

ye paanī ḳhāmushī se bah rahā hai
ise dekheñ ki is meñ Duub jaa.eñ

sabze se sab dasht bhare haiñ taal bhare haiñ paanī se
mere andar ḳhālī-pan hai kis kī be-īmānī se

ḳhud ko sākin dekhā Thahre paanī meñ
jaane kyā kuchh soch ke patthar pheñk diyā

nadī paanī bahut roī
aqīda raushnī royā

lab par āh-e-musalsal aañkh meñ paanī hai
tanhā.ī kā har lamha nuqsānī hai

yuuñ arz-o-talab se kam ai dil patthar dil paanī hote haiñ
tum laakh razā kī ḳhū Daalo kab ḳhū-e-sitamgar jaatī hai

vaa.iz milegī ḳhuld meñ kab is qadar sharāb
paanī ke badle piite haiñ ai be-ḳhabar sharāb

mehrbāñ phūloñ pe lagtī thī havā
bahte paanī kī ravānī aur hai

haañ nadāmat tujh ko honī chāhiye
haif 'ja.afar' paanī paanī aur hai