Tags-Pani

naqsh paanī pe banāyā kyuuñ thā
jab banāyā to miTāyā kyuuñ thā

harf-e-bātin bhī harf-e-zāhir bhī
ek aisī kitāb paanī hai

nafratoñ kā badal mohabbat hai
aag kā ik javāb paanī hai

jaane vaalī sadī sadā bar-lab
aane vaalā azaab paanī hai

zindagī kī sharāb paanī hai
aur vo bhī ḳharāb paanī hai

ek qatra nahīñ hai āñkhoñ meñ
har taraf be-hisāb paanī hai

ye samundar samajh nahīñ saktā
ek pyāse kā ḳhvāb paanī hai

jaane kyā barsā thā raat charāġhoñ se
bhor samay sūraj bhī paanī paanī hai

har lamha sairābī kī arzānī hai
miTTī ke kuuze meñ ThanDā paanī hai

dil meñ to tirī yaad thī ik buuñd lahū kī
āñkhoñ meñ jo aa.ī to yahī paanī huī hai

thāme hue ik raushnī ke haath ko har shab
paanī pe qadam rakh ke maiñ us paar gayā huuñ

na āñkheñ hī huiiñ ġharqāb-e-dariyā
na koī aks hī paanī se niklā

phir samundar ke makānoñ kā bhī leñge jā.eza
sīḌhiyāñ paanī kī tah tak jab banā dī jā.eñgī

bahut hī gahrā thā paanī meñ Dar gayā 'shāhīñ'
sadā to dī thī mujhe bhī utarne vaale ne

tum to dariyā kī machhlī ho
paanī meñ rahtī bastī ho

tum kah rahe ho niile ḳhalā meñ rañgoñ kā jaal phailā hai
maiñ pūchhtā huuñ rañgoñ ke paar paanī kā rañg kaisā hai

chal to saktā thā maiñ bhī paanī par
maiñ ne dariyā kā ehtirām kiyā

paanī nahīñ dete us ko zālim
jo zaḳhmī-e-be-shumār hove

bas ek baar to paanī pe apnā aks dikhā
qasam ḳhudā kī maiñ sailāb se nikal aa.uuñ

āñkheñ merī kyā DhūñDhtī haiñ
paanī meñ yā chaTTānoñ meñ