Tags-Pani

tū phir kyuuñ lauT kar har baar aa jaatī haiñ sāhil par
agar in kashtiyoñ ko umr bhar paanī meñ rahnā hai

kisī jazīre pe shāyad khulā ye baaġh koī
mahak gulāb kī aatī hai bahte paanī se

pas-e-ġhubār madad māñgte haiñ paanī se
ye log tañg haiñ miTTī kī hukmarānī se

naḳhl-e-mizhgāñ se hai kyā jāniye kyā chashm-e-samar
chashm paanī kī jagah ḳhūn-e-jigar detī hai

pilānā paanī kā jaam zāhid gunāh mashrab meñ hai hamāre
savāb letā nahīñ hai kyuuñ tū sharāb mujh ko pilā pilā kar

haiñ ashk zaḳhmoñ se mere jaarī na dekhī hogī ye ashk-bārī
banī haiñ chashm-e-pur-āb qātil ye zaḳhm paanī churā churā kar

donoñ bahr-e-shola-e-zāt donoñ asīr-e-anā
dariyā ke lab par paanī dasht ke lab par pyaas

biich kī ek lakīr hī ab faisla kare
kis ke baazū paanī kis kī chādar pyaas

amrit-būñd āsmān se Tapkā paanī
garm tave par ek parinda-e-be-par pyaas

ik kā ghūñT samundar ik kā paikar pyaas
paanī āb-e-hayāt aur sikandar pyaas

daal paanī
qissa-ḳhvānī

jab kirneñ paanī pe dastak detī haiñ
lahroñ pe girdāb uchhal kar aate haiñ

kināra-dar-kināra mustaqil mañjdhār hai yuuñ bhī
mire paanī meñ jo kuchh hai vo yuuñ pur-asrār hai yuuñ bhī

itfā-e-nār-e-ishq na ho āb-e-ashk se
ye aag vo nahīñ jise paanī bujhā sake

jañgal jañgal aag lagī hai dariyā dariyā paanī hai
nagrī nagrī thaah nahīñ hai log bahut ghabrā.e haiñ

patthar par tasvīr banā kar
paanī meñ chhup jaatā hai

bujhtā bujhtā hubāb paanī kā thā
lamha lamha maiñ zindagānī kā thā

paanī par ik tasvīr hamārī ubhrī thī
ik tasvīr zamāne kī

paanī ke ik qatre ne in ā.ankhoñ meñ
dekho kaisā khel rachāyā

aaj ik lahr bhī paanī meñ na thī
koī tasvīr ravānī meñ na thī