Tags-Peace

dekh kar tere sitam ai hāmi-e-amn-o-amāñ
gurg rah jaate haiñ dāñtoñ meñ dabā kar uñgliyāñ

ye amn kā lahrātā gesū ye sidq-o-mohabbat kā darpan
ai sub.h-e-vatan ai sub.h-e-vatan

gul-bār ridā-e-āzādī sarshār javānī kā parcham
ye amn ke naġhmoñ kā mutrib ḳhāmosh baġhāvat kā ye alam

har saañs se dars-e-aman diyā har jabr pe dād-e-ulfat dī
qātil ko bhī gar lab hil na sake āñkhoñ se duā-e-rahmat dī

ham amn chāhte haiñ magar zulm ke ḳhilāf
gar jañg lāzmī hai to phir jañg hī sahī

sab se pur-amn vāqi.a ye hai
aadmī aadmī ko bhuul gayā

kareñge amn kī bāteñ diloñ meñ buġhz rakkheñge
yahī rasm-e-jahāñ aur fitrat-e-aqvām hai saaqī

mulk meñ mere amn kī ḳhvāhish jān-e-man
bakrī jaise biich meñ sau qassāboñ ke

sad-chāk qabā-e-amn-o-sukūñ uryāñ hai ahinsā.ī kā junūñ
kuchh ḳhuuñ se shahīdoñ ne apne vo gul haiñ khilā.e zindāñ meñ

aivānoñ meñ amn-o-aḳhūvvat kī jo bāteñ karte haiñ
apnā apnā dāman dekheñ kashmīr-o-panjāb ke saath

tūfān zalzala kabhī sailāb aa gayā
pur-amn to ḳhudā bhī hukūmat na kar sake

ik nayā paġhambar-e-amn-o-amāñ paidā huā
kārvāñ meñ ik amīr-e-kārvāñ paidā huā

parvāz meñ thā amn kā ma.asūm parinda
sunte haiñ ki be-chāra shajar tak nahīñ pahuñchā

ba-nām-e-amn-o-amāñ kaun maarā jā.egā
na jaane aaj yahāñ kaun maarā jā.egā

duniyā ne jise rif.at-e-fārāñ se sunā thā
hai amn kā zāmin vahī paiġhām abhī tak

jañg iflās aur ġhulāmī se
amn behtar nizām kī ḳhātir

jañg vahshat se barbariyyat se
amn tahzīb o irtiqā ke liye

jañg iflās aur ġhulāmī se
amn behtar nizām kī ḳhātir

jañg vahshat se barbariyyat se
amn tahzīb o irtiqā ke liye

ba-nām-e-amn haiñ jañg-o-jadal ke mansūbe
ba-shor-e-adl tafāvut ke kār-ḳhāne haiñ