Tags-Phool

chalo mil kar raheñ jab phuul ik Daalī ke haiñ donoñ
guloñ ke darmiyāñ ye fāsle achchhe nahīñ lagte

saare bojhoñ ko baḌā achraj hai kaise ham unheñ
phuul jaisī zindagī kī piiTh par Dhote rahe

abr barsā hai na jaane kis liye
phuul mahkā hai na jaane kis liye

aayā thā ik gul-e-visāl dāman-e-hijr meñ kabhī
maiñ huuñ us ek phuul ko apnā chaman kiye hue

phuul sī bāheñ larzāñ siina saañs ulajhte bholī bāteñ
nīchī nazreñ pahlī laġhzish dil kā taqāzā kyā nahīñ dekhā

ajab tilism-e-numū thā vafā kī miTTī meñ
havā-e-hijr chalī, phuul phal gayā vo bhī

phuul to phuul haiñ patte nahīñ ugte jin meñ
aise peḌoñ se bhī umīd-e-samar hotī hai

āñdhiyoñ se kyā bachātī phuul ko kāñToñ kī baaḌ
sehn meñ bikhrī huī thī pattī pattī raat ko

ḳhair ham to kāñTe the aur hameñ kuchalnā bhī vaqt kā taqāzā thā
phuul jin ko samjhe the ab sunā hai un se bhī haiñ vo sargirāñ logo

phir phuul barasne lage lafzoñ ke dahan se
phir baat kisī ke lab-o-ruḳhsār kī niklī

tum ne dam de ke jab milāyā phuul
ḳhuub misl-e-habāb phūlā peT

palkeñ yūñhī phuul chuneñgī āñkheñ yūñhī rañg baneñgī
dast-e-duā se dīda-e-nam tak ḳhvāb hī ḳhvāb likhe jā.eñge

ashk-e-shādī hai ye kuchh muzhda sabā laa.ī hai
shabnam-ālūda huā phuul jo ḳhandāñ ho kar

vo jab bhī milte haiñ zaḳhmoñ ke phuul dete haiñ
hamārā rābta un se bahāl aisā thā

kab faiz pā sakā koī shāḳh-e-burīda se
kuchh phuul shāḳh par haiñ abhī tak lage hue

vahī hai rañg abhī tak jigar ke dāġhoñ kā
yahāñ jo phuul khilā vo sadā bahār huā

roī vahāñ sham.a yaañ hañse phuul
vo qabr mirī thī ye adū kī

phuul kitne udaas lagte haiñ
ai ḳhudā in ko titliyāñ de de

dil ishq kī mai se chhalak rahā hai
ik phuul hai jo mahak rahā hai

aaj tere charnoñ kā ruup hī nirālā hai
aaj phuul puujā ke dhuul se uThā.e the