Tags-Phool

phuul bhare haiñ dāman dāman
lekin vīrāñ vīrāñ gulshan

shelf pe ulTā kar ke rakh do aur bisrā do
gul-dānoñ meñ phuul sajāo ḳhvāb kā kyā hai

phuul ḳhafā rahte haiñ apnī shāḳhoñ se
dar apnī dīvār se uljhā rahtā hai

khil rahe haiñ mujh meñ duniyā ke sabhī nāyāb phuul
itnī sarkash ḳhaak ko kis abr ne nam kar diyā

khilte haiñ phuul jin ke tabassum ke vāste
shabnam meñ un ke aks kī āzurdagī bhī hai

us phuul ke baġhair bahut jī udaas hai
mujh ko bhī saath le ke sabā us galī meñ chal

hamāre kal ko mahkānā hai us ne
magar vo phuul to murjhā rahā hai

mulāhiza ho ye īsār-e-phūl hañs hañs kar
ujaḌ rahā hai kalī kī shaguftagī ke liye

kitnī shiddat se bahāroñ ko thā ehsās-e-ma.āl
phuul khil kar bhī rahā zard ḳhizāoñ jaisā

ab ḳhvāb meñ bhī us zālim ko bas hijr kā saudā rahtā hai
ai jazba-e-dil tū kis ke liye ye phuul aur paat banā.e hai

vo jo zaḳhm deñ so qubūl hai tire vāste vahī phuul hai
yahī ahl-e-dil kā usuul hai vo rulā.e jaa.eñ tū gaa.e jā

vo jafā-shi.ār o sitam-adā tū suḳhan-tarāz o ġhazal-sarā
vo tamām kāñTe ugā.eñge tū tamām phuul khilā.e jā

charāg chāñd shafaq shaam phuul jhiil sabā
churā.īñ sab ne hī kuchh kuchh shabāhateñ terī

vo to ḳhush-bū hai havāoñ meñ bikhar jā.egā
mas.ala phuul kā hai phuul kidhar jā.egā

phuul hī phuul the ḳhvāboñ meñ sar-e-vādi-e-shab
sub.h-dam rāhoñ meñ jalte hue patthar haiñ vahī

phuul ke gird phiro baaġh meñ mānind-e-nasīm
misl-e-parvāna kisī sham-e-tapāñ tak aao

sādgī meñ aa ga.iiñ dil-dāriyāñ
phuul uThīñ ik phuul meñ phul-vāriyāñ

ab ke vasl kā mausam yūñhī bechainī meñ biit gayā
us ke hoñToñ par chāhat kā phuul khilā bhī kitnī der

mast āñkhoñ se barastā hai subūhī kā ḳhumār
phuul se jism pe hai shabnamī zartār libās

phuul thā shāḳh kī hathelī par
aur havā meñ bikharne vaalā thā