Tags-Phool

phuul kī ik zarb se aañsū nikal aa.e mire
ek halkī baat kā ehsās bojhal ho gayā

kyuuñ na phir shāḳh shajar phuul sabhī murjhā.eñ
bhaa.ī jab sahn meñ dīvār uThāne lag jaa.eñ

us kī ḳhush-bū se mo.attar hai mirā saarā vajūd
tere chhūne se jo ik phuul khilā hai mujh meñ

ai sabā ab tū yahāñ koī nayā phuul khilā
ek muddat se hai dāmān-e-ġhazal-ḳhvāñ ḳhālī

bārhā ho ke ga.e abr-e-bahārāñ ḳhālī
dasht meñ phuul khile aur gulistāñ ḳhālī

laboñ ne phuul tarāshe nazar ne barsā.e
magar vo kāvish-e-mizhgān-e-yār meñ kyā thā

ehsās kā qissa hai sunānā to paḌegā
har zaḳhm ko ab phuul banānā to paḌegā

us ke jaane kā yaqīñ to hai magar uljhan meñ huuñ
phuul ke hāthoñ se ye ḳhush-bū judā kaise huī

chāñd se phuul se yā merī zabāñ se suniye
har jagah aap kā qissa hai jahāñ se suniye

maan mausam kā kahā chhā.ī ghaTā jaam uThā
aag se aag bujhā phuul khilā jaam uThā

haath kāñToñ se kar liye zaḳhmī
phuul bāloñ meñ ik sajāne ko

use paak nazroñ se chūmnā bhī ibādatoñ meñ shumār hai
koī phuul laakh qarīb ho kabhī maiñ ne us ko chhuā nahīñ

dekh liye āñkhoñ ne merī taaza shabnam baasī phuul
garche sub.h ko merī ḳhātir tum ne mujh se chhupā lī raat

bazm se tum ko le ke jā.eñge
kaam kab phūl-pān se niklā

har saal bahār se pahle maiñ paanī par phuul banātā huuñ
phir chāroñ mausam likh jaate haiñ naam tumhārā āñkhoñ meñ

phuul pattoñ kī fazā se saj ga.ī duniyā marī
hai kahāñ armāñ mirā la.al-o-guhar ke aas paas

phuul ḳhushbū shaam sāvan shaġhl-e-paimāna chale
jis ko chalnā hai hamāre saath mai-ḳhāna chale

zulf sumbul phuul lab ruḳhsār par rañg-e-shafaq
juñbisheñ āñkhoñ kī palkoñ meñ ki paimāna chale

thak ga.e par mahak na lā paa.e
kāġhzī phuul par bahār ke rañg

bāġhbāñ kī mire sāhab-nazarī kyā kahnā
phuul gulshan pe hañse aap bahārāñ samjhe