Tags-Politics

terā ġham kuchh bhī sahī merā alam kuchh bhī sahī
ahl-e-sarvat kī siyāsat kā sitam kuchh bhī sahī

is tamāsha-e-ahal-e-siyāsat ko aap
dekh sakte haiñ bas bārhā dekhiye

pastī-e-siyāsat ko tū ne apne qāmat se rif.at dī
īmāñ kī tañg-ḳhayālī ko insāñ ke ġham kī vus.at dī

ye ilm-o-fan kā gahvāra hai tahzībī idāra hai
nazar meñ ye hamārī to siyāsat kā akhāḌā hai

terī qudrat kī siyāsat na samajh meñ aa.ī
haram-o-dair ko har daur meñ yakjā dekhā

haa.e urdu ye siyāsat tirī jāgīr ke saath
koī 'ġhālib' kā taraf-dār koī 'mīr' ke saath

ye jabr-e-siyāsat ye insāñ mazlūm aaheñ majbūr fuġhāñ
zaḳhmoñ kī mahak dāġhoñ kā dhuāñ mat pūchh fazā-e-zindāñ meñ

lagtā hai ghul ga.ī hai siyāsat ḳhulūs meñ
apne hī dostoñ se harīfā.ī ho ga.ī

zabāñ merī siyāsat chāTtī hai
ki is kā zā.iqa shīr-o-shakar hai

ab ke bhī tere liye jaañ se guzar jā.eñge ham
ham ne pahle bhī mohabbat meñ siyāsat nahīñ kī

jin ko talāsh manzil-e-isnāniyat kī thī
gumrāh un ko ahl-e-siyāsat na kar sake

maiñ pairvi-e-ahl-e-siyāsat nahīñ kartā
ik rāsta in sab se judā chāhiye mujh ko

jhuuT bhī boleñ sadāqat ke payambar bhī baneñ
ham ko baḳhsho ye siyāsat nahīñ hogī ham se

jis ko ab bhī ho siyāsat pe yaqīn
us ko ye mulk dikhāyā jaa.e

añdherī raat meñ dekhā hai mash.aloñ kā julūs
Darā diyā hai siyāsat ne raushnī se mujhe

siyāsat-e-vatanī kī fazā thī zahr-ālūd
havā-e-ġharb thī nā-sāzgār-o-nā-mas.ūd

shā.era bhī thī ḳhatība bhī siyāsat-dāñ bhī thī
naujavānān-e-vatan kī tū chahetī maañ bhī thī

jab se vo ahl-e-siyāsat meñ hue haiñ shāmil
kuchh adū ke haiñ to kuchh mere taraf-dār se haiñ

abhī umīd-o-vafā na toḌo siyāsat-e-dilbarī na chhoḌo
kabhī jo firdaus-e-rañg-o-bū thā vo ek ujḌā dayār sā hai

aur ab un ke evaz har gaañv har dehāt meñ
nā-ḳhudāyān-e-siysāsat jaate haiñ bārāt meñ