Collections

Lab Shayari

Motivational Ghazals

Best Khamoshi Shayari

More Collections

Tags-Pyas

is mohazzab shahr meñ ādāb haiñ kuchh jashn ke
raqs kartī hai yahāñ nezoñ ke uupar tishnagī

zarra zarra karbala manzar-ba-manzar tishnagi

ye sach hai us ne bujhā.ī na tishnagī lekin
hamārī tishna-dahānī kā us ko paas to hai

sitam ke baad bhi baqi karam ki aas to hai

tishnagī hī tishnagī hai kis ko kahiye mai-kada
lab hī lab ham ne to dekhe kis ko paimāna kaheñ

ahl-e-tufan aao dil-walon ka afsana kahen

sarāboñ se mujhe sairāb kar de
nashe meñ tishnagī ke chuur ho jā.ūñ

ye kab chaha ki main mashhur ho jaun

ghaTā uThī thī kisī tishnagī ke sahrā se
jo qatra qatra samundar kī pyaas chhoḌ ga.ī

wo aarzu ki dilon ko udas chhoD gai

ishq hai tishnagī kā naam toḌ de gar mile bhī jaam
shiddat-e-tishnagī na dekh lazzat-e-tishnagī samajh

mujhko ye jaan-o-dil qubul naghme ko naghma hi samajh

jo chaḌhā jaa.e ḳhumistān-e-jahāñ
haañ vahī lab-tishnagī darkār hai

tez ehsas-e-KHudi darkar hai

tishnagī apnī bujhāne ke liye jab ga.e haiñ
dasht bechāre samundar ke tale dab ga.e haiñ

tishnagi apni bujhane ke liye jab gae hain

ye lamha lamha jo ham jām-e-hijr pī rahe haiñ
to tishnagī kā salīqa dharā na rah jaa.e

hamari qurbaton mein fasla na rah jae

agarche mai-kada meñ tishnagī ġhazab kī thī
hamāre vāste hī mehrbāñ nazar na huī

kabhi nasib ki bhule se bhi sahar na hui

hai tishnagī kā nayā hī ik zā.iqa laboñ par
sarāb andar sarāb gardāñ hayāt merī

main ek andhe kuen ka qaidi kise milunga

umr bhar maiñ apne aañsū āb-sūrat pī sakūñ
chāhtā huuñ is tarah kī tishnagī mujh ko mile

jab kabhi bhi is jahan se ruKHsati mujhko mile

tishnagī kam ho magar duur na hone paa.e
apne pyāse ko na sairāb-e-mohabbat kar jā

kaam koi to kabhi waqt se aage kar ja

yahāñ jo bāñTtā phirtā hai tishnagī kā bharam
mujhe to ḳhud bhī vo pyāsā dikhā.ī detā hai

hamein to ek hi chehra dikhai deta hai

tum ko 'ādarsh' sab milā hai yahāñ
dil meñ phir bhī ye tishnagī kyoñ hai

Thahri Thahri si zindagi kyon hai

tum samundar kī rifāqat pe bharosa na karo
tishnagī lab pe sajā.e hue mar jāoge

jism ki qaid se ek roz guzar jaoge

samundaroñ meñ kabhī tishnagī ke sahrā meñ
kahāñ kahāñ na phirā le ke āb-o-dāna mirā

haqiqaton se ulajhta raha fasana mera

ik qulzum-e-hayāt kī jānib chalī thī umr
ik din ye jū-e-tishnagī sahrā se aa milī

mujhko meri shikast ki dohri saza mili

tishnagī bhī hai yahī aur yahī paanī bhī
maar detī hai mohabbat kī farāvānī bhī

tishnagi bhi hai yahi aur yahi pani bhi

tishnagī tishnagī! are tauba
zulf lahrāo! vaqt nāzuk hai

jam Takrao! waqt nazuk hai