Collections

Lab Shayari

Motivational Ghazals

Best Khamoshi Shayari

More Collections

Tags-Pyas

jo apnā ḳhūn-e-jigar pī ke mast ho jaa.eñ
ab aise zarf-parastoñ ko tishnagī tarse

maal-e-dil ke liye aaj yun KHudi tarse

na pūchh tishnagī us shaḳhs kī jo ba.ad-e-visāl
kisī ke pahlū se yuuñ kāmrāñ sā uThtā hai

dabe jo aag to dil se dhuan sa uThta hai

tishnagī zor-e-talab-tāb se bol uThī hai
chand qatre hī sahī koī shanāvar na rahā

chshme-e-be-kaif mein karinda-e-manzar na raha

dil-o-dimāġh-o-nafas tishnagī se haiñ raushan
isī kī aag meñ jalte haiñ shahar-o-sahrā bhī

ajib shai hai tarah-dar bhi tamanna bhi

tishnagī hī tishnagī hai kis ko kahiye mai-kada
lab hī lab ham ne to dekhe kis ko paimāna kaheñ

tishnagi hi tishnagi hai kis ko kahiye mai-kada

dariyā masarratoñ kā to ab suukh hī gayā
ḳhūn-e-jigar piyā to mirī tishnagī ga.ī

zinda rahe to hum ko na pahchan di gai

mai-kade kī shaam aur kāñpte hāthoñ meñ jaam
tishnagī kī ḳhair ho ye kis ko rusvā kar diyā

ai nigah-e-dost ye kya ho gaya kya kar diya

pilā pilā ke nigāhoñ se bāda-e-taskīñ
baḌhā rahā hai koī aur tishnagī merī

ek inqalab-e-musalsal hai zindagi meri

aaj bhī tishnagī kī qismat meñ
sam-e-qātil hai salsabīl nahīñ

aaj bhi tishnagi ki qismat mein

ye tishnagī-e-shahādat kā iqtizā ab hai
ki āb-e-teġh-e-sitam zahr meñ bujhā ke piyūñ

piyun hi kyun jo bura jaanun aur chhupa ke piyun

tū tishnagī kī aziyyat kabhī furāt se pūchh
añdherī raat kī hasrat añdherī raat se pūchh

tu tishnagi ki aziyyat kabhi furaat se puchh

tez qadmoñ se baḌhe jaate haiñ ham sū-e-sarāb
is musalsal tishnagī kī apnī ik raftār hai

meri is diwangi ki apni ek raftar hai

pesh-e-ḳhidmat haiñ kausar-o-tasnīm
kushta-e-tishnagī rahe haiñ ham

zahr ke ghunT pi rahe hain hum

'jaun' kī tishnagī kā thā ḳhuub hī mājrā ki jo
mīnā-ba-mīnā mai-ba-mai jām-ba-jām ho gayā

did ki ek aan mein kar-e-dawam ho gaya

ḳhudā kā shukr mirī tishnagī palaT aa.ī
chalī ga.ī thī samundar kā jab ishāra huā

ab is jahan-e-barhana ka istiara hua

maiñ jānūñ jab ki bujhā de tū tishnagī dil kī
vagarna aaj se dariyā dilī kā naam na le

KHuda ke waste ab be-ruKHi se kaam na le

jab tishnagī baḌhī to masīhā na thā koī
jab pyaas bujh ga.ī to samundar milā mujhe

ki justuju to ek naya ghar mila mujhe

naqāb ulaT de jo baḌh kar ruḳh-e-tamannā se
ye aarzū hai ki mujh ko vo tishnagī denā

junun-e-shauq-e-mohabbat ki aagahi dena

ret ke dariyā se qaa.em thī ummīd mo.ajiza
tishnagī meñ jo qadam aage baḌhā hāsil huā

KHun wirasat ka ragon mein faKHr ke qabil hua