Tags-Qismat

ḳhalish-e-ġham se kiye jā.ūñ kahāñ tak naale
merī qismat meñ to har roz ye iizā paanī

us aañkh ne jis kī qismat meñ sach-much ke dar-o-dīvār na the
ḳhvāboñ ke nagar ābād kiye hasrat kī nazar karne ke liye

girā na aañkh se aañsū fareb-e-qismat par
sukūn jis se ho vo iztirāb paidā kar

qismat ke bāzār se bas ik chiiz hī to le sakte the
tum ne taaj uThāyā maiñ ne 'ġhālib' kā dīvān liyā

kab hañsā thā jo ye kahte ho ki ronā hogā
ho rahegā mirī qismat meñ jo honā hogā

kufr meñ bhī ham rahe qismat se īmāñ kī taraf
shukr hai kaaba bhī niklā kū-e-jānāñ kī taraf

tanhā uThā luuñ maiñ bhī zarā lutf-e-gumrahī
ai rahnumā mujhe mirī qismat pe chhoḌ de

arsa-e-fisq meñ qismat-e-ishq meñ
hikmat-āmez paspā.iyāñ rah ga.iiñ

ham ko ik haal meñ qismat nahīñ rahne detī
kabhī miTTī meñ milātī hai kabhī chhāntī hai

kis dar kī gadā.ī mirī qismat meñ hai yā rab
sar par jo mire sāya-fagan bāl-e-humā hai

jī leñ ki na jī paa.e ye hasrat to na hogī
qismat meñ fanā harf-e-navishta hai to kyā hai

tadbīr se qismat kī burā.ī nahīñ jaatī
bigḌī huī taqdīr banā.ī nahīñ jaatī

hijr kā zulm hamārī qismat vasl kī daulat ġhair kā maal
zaḳhm kise aur marham kis ko dard kahāñ hai qarār kahāñ

hijr kā zulm hamārī qismat vasl kī daulat ġhair kā maal
zaḳhm kise aur marham kis ko dard kahāñ hai qarār kahāñ

mire pahlū meñ dil kab thā lahū kī buuñd thī 'muztar'
so ab vo buuñd bhī qismat se paanī hotī jaatī hai

apnī qismat meñ likhī thī dhuup kī nārāzgī
sāya-e-dīvār thā lekin pas-e-dīvār thā

umr gañvā.ī khoj meñ jis kī DhūñD phire gulzāroñ meñ
qismat kī ye ḳhūbī dekho aan milā vīrānoñ meñ

itnī tāsīr to fariyād kī qismat ho 'na.īm'
hākim-e-vaqt badal jaa.e jo bahrā hove

qismat ke añdhere meñ bhī rahī āñkhoñ meñ mirī ik kāhkashāñ
tārīk nahīñ kar paa.e kabhī ḳhvāboñ ko savād-e-zindāñ bhī

dil shauq ke josh meñ dauḌ chalā aur josh to hotā hai andhā
dar band paḌā thā qismat kā Takkar jo lagī teyorā ke girā