Tags-Raasta

dushman kī raah rok ke baiThā huuñ aaj maiñ
duniyā kā rāsta hai tumhārī galī nahīñ

rāsta rok sakī haiñ na fasīleñ na hisār
phuul jañgal meñ khile shahr meñ ḳhushbū aa.e

dar-ba-dar kī ḳhaak peshānī pe mal kar aa.egā
ghūm-phir kar rāsta phir mere hī ghar aa.egā

bastiyo ab to rāsta de do
ab to maiñ us galī ko bhuul gayā

pāk-dāmānī-e-yūsuf thī zuleḳhā kī sazā
rāsta chaak se paidā huā rusvā.ī kā

ishq baḌhtā rahā sū-e-dār-o-rasan zaḳhm khātā huā muskurātā huā
rāsta rokte rokte thak ga.e zindagī ke badalte hue zāviye

ye naġhma-e-kā.enāt kī be-surī sadā.eñ haiñ
koī in se najāt kā rāsta batāo

ghar ke sāmne ab bhī
ek rāsta hogā

jahāñ jaate haiñ ham us kī galī se ho ke jaate haiñ
agarche rāsta is rāste se duur hotā hai

aayā hai vaqt aisā jo pahle na thā kabhī
dushvār rāsta bhī hai manzil hai duur abhī

vahāñ pahuñch ke har ik naqsh-e-ġham parāyā thā
vo rāsta ki jahāñ hausla bhī haarā thā

bas ye safar hayāt kā itnī sī zindagī
kyuuñ itnī jaldī rāsta saarā guzar gayā

na sāthī hai na manzil kā pata hai
mohabbat rāsta hī rāsta hai

na ham-navā mire zauq-e-ḳhirām kā niklā
ye rāsta bhī usī narm-gām kā niklā

nishān pā.egā apnā na is safar meñ vo
jahāñ bhī jā.egā sunsān rāsta hogā

lutf-e-manzil hausloñ se aa lagā thā gaam gaam
tū safar meñ saath thā to rāsta achchhā lagā

hashr meñ chalnā paḌegā ek TeḌhā rāsta
kūcha-e-jānāñ sikhā de Thokareñ khānī mujhe

maiñ pairvi-e-ahl-e-siyāsat nahīñ kartā
ik rāsta in sab se judā chāhiye mujh ko

jagmagāte haiñ ufuq par ye sitāre lekin
rāsta manzil-e-hastī kā muhīb aaj bhī hai

phūloñ kā rāsta nahīñ yaaro mirā safar
paañv aziiz haiñ to abhī luuT jā.iye