Collections

Lab Shayari

Motivational Ghazals

Best Khamoshi Shayari

More Collections

Tags-Raasta

har taraf phailā huā thā be-yaqīnī kā dhuāñ
ḳhud-baḳhud 'fārūq' phir ik rāsta bantā gayā

har taraf phaila hua tha be-yaqini ka dhuan

mujhe bhī rāsta de bahr-e-ḳhilqat
kisī fir.aun kā lashkar nahīñ maiñ

muqayyad zat ke andar nahin main

jo chal paḌūñ to koī hausla nahīñ deñge
ye sabz peḌ mujhe rāsta nahīñ deñge

jo chal paDun to koi hausla nahin denge

ek saaya narm-o-nāzuk chhoḌ kar jo chal diyā
sar pe sūraj ik musāfir rāsta rah jā.egā

tujhse TuTa rabt to phir aur kya rah jaega

rāsta chalne ke qābil na rahā ai hamdam
maiñ ne manzil pe nayā marhala ījād kiyā

main wo hun jis ka zamane ne sabaq yaad kiya

ye rāsta to charāġhoñ se jagmagātā hai
idhar se hone lagā kyuuñ guzar añdhere kā

dimagh-o-dil pe ho kya asar andhere ka

shahr-e-nā-pursāñ meñ kuchh apnā pata miltā nahīñ
bām-o-dar raushan haiñ lekin rāsta miltā nahīñ

shahr-e-na-pursan mein kuchh apna pata milta nahin

adāvatoñ ne mujhe e'timād baḳhshā hai
mohabbatoñ ne to kaaTā hai rāsta merā

liya jo uski nigahon ne jaeza mera

maiñ chal paḌā huuñ to manzil bhī ab milegī 'naved'
ye rāsta mujhe le kar jidhar nikal jaa.e

zamin madar se apne agar nikal jae

tumhāre naqsh-e-pā pe maiñ jo chal rahā huuñ der se
maiñ ḳhatm ho rahā to huuñ pa rāsta nahīñ huā

shikast-e-KHurdgi ke baad hausla nahin hua

ham bhī dariyā haiñ hameñ apnā hunar mālūm hai
jis taraf bhī chal paḌeñge rāsta ho jā.egā

hum bhi dariya hain hamein apna hunar malum hai

ġhazab kī tīrgī hai rāsta dekhā nahīñ jaatā
ye maujoñ kā talātum ye bhare dariyā kī tuġhyānī

judai

yuuñ ḳhud ko chhoḌ kar nikle kisī kī justujū meñ
hamīñ ne umr-bhar phir rāsta dekhā hamārā

pas-e-gardun kisi ne nam bola tha hamara

rāsta ek thā ham ishq ke dīvānoñ kā
qad-o-gesū se chale dār-o-rasan tak pahuñche

dar-e-mai-KHana se diwar-e-chaman tak pahunche

azal se hai mujhe darpesh dā.eroñ kā safar
jo mustaqīm hai yā rab vo rāsta hai kahāñ

meri nazar mera apna mushahida hai kahan

jahāñ tak paañv mere jā sake haiñ
vahīñ tak rāsta Thahrā huā hai

abhi tak hausla Thahra hua hai

hamārī zindagī logoñ meñ rah kar bhī akelī hai
hamārā rāsta bāzār se aage nahīñ baḌhtā

isi dar se isi diwar se aage nahin baDhta

mujh ko chalne do akelā hai abhī merā safar
rāsta rokā gayā to qāfila ho jā.ūñgā

apne har har lafz ka KHud aaina ho jaunga

bhaTak na jaa.e vo din-rāt ke añdhere meñ
maiñ bujh rahā huuñ jise rāsta dikhāte hue

mujhi mein Dub gaya dushmani nibhate hue

tumhārī āñkhoñ meñ mere liye
ek ḳhair-maqadmī rāsta bichhā thā

main ek aansu ikaTTha kar raha hun