Tags-Raat

sub.h tak muntazir rahe anjum
tum na aa.e tamām raat ga.ī

kyuuñ mujhe mahsūs ye hotā hai aksar raat bhar
sīna-e-shab par chamaktā hai samundar raat bhar

sau saal mujh pe biite haiñ sūraj bujhe hue
sau saal jaisī raat se maiñ ratjage meñ huuñ

is tarah chashm-e-nīm-vā ġhāfil bhī thī bedār bhī
jaise nasha ho raat kā yā sub.h kā taḌkā huā

mausam-e-sarmā kī raat
jis ke sardī meñ rache barfīle haath

soī huī rāhoñ meñ tanhā chāñd ke saath
saarī saarī raat bhaTaktā rahtā huuñ

intizār-e-shab-e-va.ada kī na pūchho rūdād
raat āñkhoñ meñ kaTī hai kisī bekal kī tarah

mere chāragaro mere tan-parvaro, jaao tum kas liye niiñd khoTī karo
hijr kī raat lā-intihā raat hai ye qayāmat nahīñ jo guzar jā.egī

sub.h hotī hai to daftar meñ badal jaatā hai
ye makāñ raat ko phir ghar meñ badal jaatā hai

is raat kisī aur qalam-rau meñ kahīñ thā
tum aa.e to maiñ apne badan hī meñ nahīñ thā

is shab meñ ho girya koī tārīkī se gahrā
ho koī mahak rāt-kī-rānī se ziyāda

hai bāda-e-ġham se tere din raat
labrez yahāñ ayāġh dil kā

milā thā hijr ke raste meñ sub.h kī mānind
bichhaḌ gayā thā musāfir se raat hone tak

din to ḳhvāboñ se ulajhne meñ guzar jaatā hai
raat kaT jaatī hai ārām se āzār ke saath

raat ġham kī aa.ī hai hoshiyār dil vaalo
dekhnā hai ye nāgin aaj kis ko Dastī hai

jis kī ḳhushbū se mo.attar raat bhar rahtā thā maiñ
mere ghar ke paas ab vo raat kī raanī nahīñ

tū ne ik shaam jo aane kā kiyā thā va.ada
maiñ ne din-rāt charāġhoñ ko jalā.e rakkhā

amāvas na pūnam se mujh ko ġharaz hai
mahaktī huī rāt-rānī nahīñ huuñ

dard kā diip jaltā rahā dil kā sonā pighaltā rahā
ek Duube hue chāñd ne raat bhar ḳhuuñ rulāyā mujhe

ishq karnā hai to pahle ishq ke ādāb siikh
raat kaise kāTte haiñ ye diye kī lau se pūchh