Tags-Raat

ham shorīda kaḌve talḳh kasīle zā.iqe
raat kī pur-shahvat āñkhoñ se Tapke taaza qatre

havā bhī sard hai bhīgī hai raat bhī lekin
sulag rahī hai kisī aag se mirī chhātī

bajā rahā hai koī raat meñ sitār 'aḳhtar'
dhaḌak rahī hai mirī ārzūoñ kī chhātī

niiñd jab ḳhvāb ko pukārtī hai
raat apnā libās utārtī hai

vo mire saath nīm-ḳhvābī meñ
raat kī tarah din guzārtī hai

thakan se chuur tanhā soch meñ gum
maiñ pichhlī raat kī vo chāñdnī huuñ

maiñ sub.h ḳhvāb se jaagā to ye ḳhayāl aayā
jo raat mere barābar thā kyā huā us kā

raat ke haath meñ ik kāsa-e-daryuza-girī
ye chamakte hue taare ye damaktā huā chāñd

zarā nigāh uThāo ki ġham kī raat kaTe
nazar nazar se milāo ki ġham kī raat kaTe

ab aa ga.e ho to mere qarīb aa baiTho
duī ke naqsh miTāo ki ġham kī raat kaTe

shab-e-firāq hai sham-e-umīd le aao
koī charāġh jalāo ki ġham kī raat kaTe

kahāñ haiñ sāqī-o-mutrib kahāñ hai pīr-e-haram
kahāñ haiñ sab ye bulāo ki ġham kī raat kaTe

kahāñ ho mai-kade vaalo zarā idhar aao
hameñ bhī aaj pilāo ki ġham kī raat kaTe

nahīñ kuchh aur jo mumkin to yaar 'shola' kī
koī ġhazal hī sunāo ki ġham kī raat kaTe

rāt-bhar jāgte rahe haiñ daraḳht
koī panchhī huā hai ghāyal kyā

raat meñ bhī na ho sakā raushan
dil-mohalle meñ tañg-dastī hai

chupke se guzarte haiñ ḳhabar bhī nahīñ hotī
din raat bhī kam-baḳht javānī kī tarah haiñ

aur raat ko
chāndnī meñ

ye raat bhayānak hijr kī hai kāTeñge baḌe ālām se ham
Talne kī nahīñ ye kaalī balā samjhe hue the shaam se ham

din guzartā hai kisī aur bahāne se magar
kaise kaTtī hai mirī raat tumheñ kyā ma.alūm