Tags-Raat

din ke hañgāmoñ meñ dāman kahīñ mailā ho jaa.e
raat kī nuqra.ī ātish meñ nikhārā jā.ūñ

apnī thoḌī sī dhanak de bhī de
raat rañg-rez huā chāhtī hai

ThanDī chaa.e kī pyālī pī ke
raat kī pyaas bujhā.ī hai

ye kaise log haiñ jo sañg-basta jāliyoñ kī tarah āñkheñ band rakhte haiñ
sirhāne laḌkiyoñ ke raat kī bikhrī kitābeñ haiñ

aaj bhī raat sone se pahle
mere beTe ne mujh se kahā maiñ use koī achchhī kahānī sunā.ūñ

ham ba-īñ tīra-nasībī na bane tīra-nazar
ham ne har raat kī chitvan meñ sitārā dekhā

raat yuu.n tere KHvaab se guzraa
ki badan chuur chuur meraa thaa

azīzo!
agar raat raste meñ aa.e

azīzo!
agar raat aa.e to raste meñ paḌtī

taare shumār karte haiñ ro ro ke raat bhar
ḳhairāt-e-husn dījiye ham ko zakāt bhar

vo beTā fātiha bhī nahīñ paḌhtā qabr par
jaagī thī jis ke vāste maañ raat raat bhar

rāhoñ meñ tīrgī ne ujāle ko Das liyā
ye raat kaale jism ko khaa.e idhar udhar

kaun hamārā dard baTā.e kaun hamārā thāme haat
un ke nagar meñ jagmag-jagmag apne des meñ raat hī raat

shāḳheñ har ek raat yūñhī chīḳhtī rahīñ
vo phuul hī bike the jo zeb-e-dukān the

raat mahfil meñ vo be-naqāb aa.e the
aur ham ne ye samjhā sahar ho ga.ī

raat kyā Dhal ga.ī samundar meñ
ghul ga.ī tīrgī samundar meñ

ḳhud samundar kī niiñd TuuT ga.ī
raat kuchh yuuñ Dhalī samundar meñ

pas-e-nigāh koī lau bhaḌaktī rahtī hai
ye raat mere badan par saraktī rahtī hai

kuchh to ho aisā mire dost ki ye raat kaTe
chain bīmār ke dil ko kisī pahlū aa.e

raat kyā kyā mujhe malāl na thā
ḳhvāb kā to kahīñ ḳhayāl na thā