Tags-Raat

ḳhabar nahīñ ki nigār-e-sahar kī hasrat meñ
tamām raat charāġh-e-vafā pe kyā guzrī

mil ga.e hoñge donoñ vaqt gile
aur phir raat ho ga.ī hogī

tīrgī ne chhuḌā liyā dāman
chāñdnī-rāt ho ga.ī hogī

kitne din ke ba.ad mile the raat kī raanī jugnū aur maiñ
us kī bāteñ karte rahe the raat kī raanī jugnū aur maiñ

piile pattoñ ke saa.e meñ ik anjān udāsī thī
zard fazā meñ baiThe rahe the raat kī raanī jugnū aur maiñ

aadhī raat ko chāñd bhī thak kar nahr kināre Duub gayā thā
tāroñ ke sañg gaate rahe the raat kī raanī jugnū aur maiñ

jañgal jañgal phail rahī thī apne pāgal-pan kī ḳhushbū
jhūmte nāchte gaate rahe the raat kī raanī jugnū aur maiñ

din ye badlegā raat badlegī
gardish-e-kā.enāt badlegī

chhoḌā hai maiñ ne raat na ghar jaane ko unheñ
jab kuchh na bas chalā to vo jhunjhlā ke so rahe

manzūr thā ghaTānā jo ishrat kī raat kā
choTī vo apnī mujh se hī bandhvā ke so rahe

rāt-bhar terī raah takte rahe
tere kūche kī raushnī aur maiñ

ek hī raah ke musāfir haiñ
be-karāñ raat ḳhāmushī aur maiñ

raat us paikar-e-ḳhayāl ke paas
chand phūloñ kī boss thī aur maiñ

un ko ai narm havā ḳhvāb-e-junūñ se na jagā
raat mai-ḳhāne kī aa.e haiñ guzāre hue log

gahrī raat meñ saa.e
saa.e zard ghaTā

ajiib sāneha mujh par guzar gayā yaaro
maiñ apne saa.e se kal raat Dar gayā yaaro

tinkā tinkā kāñTe toḌe saarī raat kaTā.ī kī
kyuuñ itnī lambī hotī hai chāñdnī raat judā.ī kī

tāroñ kī raushan fasleñ aur chāñd kī ek darāñtī thī
saahū ne girvī rakh lī thī merī raat kaTā.ī kī

sach hai ġham-e-firāq meñ ham ro nahīñ sake
vo bhī tamām raat magar so nahīñ sake

maiñ to lab-basta thā phir vo chīḳh kaisī thī 'munīr'
raat merī Thokaroñ meñ kaun thā mere sivā