Tags-Raat

sahar ke jhuTpuTe meñ gā rahī thī raat kī lailā
chaman meñ baj rahā thā satvat-e-rafta kā ik taara

raat lambī bhī hai aur tārīk bhī shab-guzārī kā sāmāñ karo dosto
jaane phir kab ye milnā muqaddar meñ ho apnī apnī kahānī kaho dosto

Dhal ga.ī raat taare bikharne lage muntashir ho chale dhyān ke silsile
koī dam aur dil meñ farozāñ raho ek muddat ke ba.ad aa.e ho dosto

der tak raushnī rahī kal raat
maiñ ne oḌhī thī chāñdnī kal raat

raat ke ba.ad raat aa.egī
dil se jaatā hai kab ye Dar dekho

duur kisī ko yaad aatā huuñ raat mujhe pāgal kartī hai
ghar se duur nikal jaatā huuñ raat mujhe pāgal kartī hai

ik anjāne shahr meñ dekhūñ shakl koī jānī-pahchānī
us kī or khiñchā jaatā huuñ raat mujhe pāgal kartī hai

duur des ik ghar hai apnā jaise koī ik sundar sapnā
sapne meñ ḳhud ko paatā huuñ raat mujhe pāgal kartī hai

'pāshī' dil ko chain na aa.e ghereñ un kī yaad ke saa.e
raat aa.e to ghabrātā huuñ raat mujhe pāgal kartī hai

sail aisā thā ki sab shahr-e-badan Duub gayā
raat bārish ne ajab bazm sajā.ī ghar meñ

yuuñ hī ik raat use dil se nikālā kyā thā
phir mujhe raas koī raat na aa.ī ghar meñ

ye aur baat raat javāñ thī javāñ rahī
saaqī udāsiyoñ ke mujhe jaam de gayā

tārīk thī ye raat magar yaad kī kiran
aa.ī to nūr-e-husn kā darvāza phir khulā

hāthoñ meñ raat aas kī sham.eñ liye hue
tārīkiyoñ meñ tujh ko pukārā hai bārhā

raat jaltī rahī
din pighaltā rahā

maiñ gardishoñ se bhāgtā phirtā huuñ raat din
tū bhī zamīn chhoḌ ke apnā madār bhaag

us ke beTā beTī college usī taraf se jaate haiñ
raat ko jis ne beach saḌak par pheñkā hai ik giilā sach

bahut āzurda ho 'shahzād' to khul kar ro lo
hijr kī raat hai chhoḌo bhī shakebā.ī ko

use ye zid thī ki din ko likhūñ maiñ raat 'anjum'
mujhe na manzūr thā kabhī din ko raat likhnā

raat talchhaT tak na chhoḌī tab kahīñ
rāz-hā-e-bāda-o-sāġhar khule