Tags-Raat

raat kahtī hai ki kaTne kī nahīñ
dard kahtā hai karam-farmā.iyāñ

sham-e-shab-tāb ek raat jalī
jalne vaale tamām umr jale

ye aarzū hai raat kā manzar dikhā.ī de
phir āsmāñ kā chāñd zamīñ par dikhā.ī de

ham sair kar rahe haiñ ḳhalāoñ kī rāt-din
mumkin nahīñ ki koī samundar dikhā.ī de

ye dil lab-tishna teġh-e-yār kā hai raat bhar kartā
sadā-e-al-ātish juuñ nāla-e-shab-gīr pahlū se

ho ga.ī gum kahāñ sahar apnī
raat jā kar bhī raat aa.ī hai

pareshāñ raat saarī hai sitāro tum to so jaao
sukūt-e-marg taarī hai sitāro tum to so jaao

hañso aur hañste hañste Dūbte jaao ḳhalāoñ meñ
hamīñ pe raat bhārī hai sitāro tum to so jaao

raat ko kahte haiñ kal baat kareñge din meñ
din guzar jaa.e to samjho ki ga.ī raat pe baat

añdherī raat kā ye nīm-bāz sannāTā
guloñ kī saañs rag-e-gulsitāñ bhī TuuTī hai

ḳhud-kalāmī ke bhañvar meñ Dūbtī parchhā.īñ ban kar rah ga.e haiñ
is añdherī raat meñ ghar se nikalte to sitāra-yāb hote

vaqt-e-ġhurūb aaj karāmāt ho ga.ī
zulfoñ ko us ne khol diyā raat ho ga.ī

raat yuuñ guzartī hai kashmakash ke māroñ kī
ik diyā jalāte haiñ ik diyā bujhāte haiñ

tamām raat havā chīḳhtī rahī ban meñ
tamām raat uḌī ḳhaak dil ke āñgan meñ

raat jal-thal mirī āñkhoñ meñ utar aayā thā
sūrat-e-abr koī TuuT ke barsā hogā

khiḌkiyoñ se jhāñktī hai raushnī
battiyāñ jaltī haiñ ghar ghar raat meñ

vaqt Thahar sā jā.egā
raat aadhī rah jā.egī

raat se aañsū mirī āñkhoñ meñ phir aane lagā
yak ramaq jī thā badan meñ so bhī ghabrāne lagā

garm milnā us gul-e-nāzuk-tabī.at se na ho
chāñdnī meñ raat baiThā thā sau murjhāne lagā

nāseh-e-mushfiq ye mashq-e-tāza farmāne lage
din to thā ab raat ko bhī aa ke samjhāne lage