Tags-Raat

kaTe jo raat bhī zaḳhmī-e-hijr ko to kyā
hai maar Dālne ko chāñdnī kī saanī dhuup

tum paas ho agar to barābar hai raat din
kuchh sub.h se ġharaz na hameñ shaam se ġharaz

in añdheroñ meñ jahāñ sahmī huī thī ye zamīñ
raat se tanhā laḌā jugnū meñ himmat hai bahut

umr kī saarī thakan laad ke ghar jaatā huuñ
raat bistar pe maiñ sotā nahīñ mar jaatā huuñ

tamām raat mire ġham kā zahr chūsā hai
isī liye tirī yādoñ ke hoñT niile haiñ

jab raat ke siine meñ utarnā hai to yaaro
behtar hai kisī chāñd ko shīshe meñ utāro

raat zanjīr sī qadam-ba-qadam
ek manzil hai koī jaada nahīñ

jugnū ne is se pūchhā chalī hai kidhar batā
zulfoñ meñ raat chāñdnī chehre pe luuT kar

kahte haiñ chhup ke raat ko piitā hai roz mai
vaa.iz se raah kījiye paidā kisī tarah

ab vasl kī raat ho chukī ḳhatm
lo chhup raho dāman-e-sahar meñ

kis se pūchheñ rāt-bhar apne bhaTakne kā sabab
sab yahāñ milte haiñ jaise niiñd meñ jaage hue

jafā Dhāte raheñge bas yūñhī din-rāt dar-parda
samajh baiThe haiñ vo badnām to charḳh-e-kuhan hogā

shurūa ho gayā āñkhoñ meñ jashn-e-ḳhush-ḳhūbī
huī jo raat to har samt shāmiyāne lage

jaane kab taḌpe aur chamke suunī raat ko phir Das jaa.e
mujh ko ek rupahlī nāgin baiThī milī hai ghaTāoñ meñ

din bhar dhuup kī tarah se ham chhā.e rahte haiñ duniyā par
raat huī to simaT ke aa jaate haiñ dil kī guphāoñ meñ

gesuoñ se un ke achchhī ġham kī raat
maiñ fidā us par vo dīvānī mirī

ik parī ke saath maujoñ par Tahaltā raat ko
ab bhī ye qudrat kahāñ hai aadmī kī zaat ko

jin kā saarā jism hotā hai hamārī hī tarah
phuul kuchh aise bhī khilte haiñ hamesha raat ko

pīchhe pīchhe raat thī tāroñ kā ik lashkar liye
rail kī paTrī pe sūraj chal rahā thā raat ko

sub.h bistar band hai jis meñ lipaT jaate haiñ ham
ik safar ke ba.ad phir khulte haiñ aadhī raat ko