Tags-Raat

hamāre vāste ye raat bhī muqaddar thī
ki harf aa.e sitāroñ pe be-charāgī kā

ye tamām din kī masāfateñ ye tamām raat kī āfateñ
mujhe in dinoñ se najāt de mirā ye vabāl sameT le

raat ik dahlīz aisī aa ga.ī thī ḳhvāb meñ
raat kuchh kuchh apnī peshānī kā andāza huā

uThā rakhī hai kisī ne kamān sūraj kī
girā rahā hai mire raat din nishāne se

maiñ vazīfa paḌh rahī huuñ rāt-din
aap ke dil meñ utarne ke liye

kashāñ-kashāñ lab-e-sāhil utar ga.ī mujh meñ
udaas raat samundar kī vus.ateñ le kar

pichhlī raat kī narm chāñdnī shabnam kī ḳhunkī se rachā hai
yuuñ kahne ko us kā tabassum barq-sifat hai sho.ala-numā hai

ye kahāñ kī riit hai jaage koī so.e koī
raat sab kī hai to sab ko niiñd aanī chāhiye

raat kī chaTTān se sub.heñ tarāsh
ḳhvāb kī ta.abīr isī patthar meñ hai

ye zindagī kī raat hai tārīk kis qadar
donoñ siroñ pe sham.a jalāo nashe meñ aao

jaane kis sub.h kī tamannā meñ
rāt-bhar sham.a saañ jalā hai koī

mudrik haiñ juz o kul ke pa rahte haiñ raat din
us kār-gāh-e-san.a kī hairāniyoñ meñ ham

uḌte phirte kuchh jugnū
raat idhar udhar raushan

raat kaun aayā thā
kar gayā sahar raushan

na.e charāġh jalā yaad ke ḳharābe meñ
vatan meñ raat sahī raushnī manāyā kar

ik raat uḌaa.ī na mirī duḳhtar-e-raz se
saaqī ne bat-e-mai ko bhī surḳhāb banāyā

kis ne darvāze pe ye raat ga.e dastak dī
yaad us kī hai ki vo ḳhud ki havā hai kyā hai

raat kī bāñheñ hameñ bhīñche rahīñ
aur phir ham ḳhud ko socheñ der tak

yahāñ par raat ko achchhā nahīñ kahtā hai koī
so apne kaasa o dīnār le kar jā rahī hai

din guzar jaatā hai ta.abīr kī hasrat le kar
raat hotī hai to phir ḳhvāb utar aatā hai