Tags-Raat

vo jin kī raat tumhāre hī dam se raushan thī
jo tum vahāñ se ga.e hoge kyā huā hogā

raat jab aa.ī to din bhar kā fasāna likkhā
jab chalī bād-e-sahar shaam suhānī likkhī

kuchh to ho raat kī sarhad meñ utarne kī sazā
garm sūraj ko samundar meñ Duboyā jaa.e

baj ga.e raat ke do ab to vo aane se rahe
aaj apnā hī badan oḌh ke soyā jaa.e

khil jaa.eñ raushnī pe mire pattharoñ ke rañg
us raat sī pahāḌ kā siina magar kaTe

vo kyā ga.e ki niiñd bhī āñkhoñ se le ga.e
yaanī ki ḳhvāb meñ bhī na aa.e tamām raat

is bhare shahr meñ din raat Thaharte hī nahīñ
kaun yādoñ ke safar-nāme ko tahrīr kare

jo mahkā rahe terī yaad suhānī meñ
aisī ḳhushbū kahāñ hai raat kī raanī meñ

raat ga.e tak yūñhī tanhā sāhil par
ghūmte rahnā paañv paañv paanī meñ

raat din rañj hai is baat kā sab ko ḳhāliq
arsa-e-hashr meñ kyā laa.eñ nadāmat ke sivā

raat kitnī guzar ga.ī lekin
itnī himmat nahīñ ki ghar jaa.eñ

raat to din kī ik alāmat hai
raat hogī to ik sahar hogī

rāt-bhar ham jaleñge furqat meñ
raushnī aaj rāt-bhar hogī

ġham se kahāñ ai ishq mafar hai
raat kaTī to sub.h kā Dar hai

tū tishnagī kī aziyyat kabhī furāt se pūchh
añdherī raat kī hasrat añdherī raat se pūchh

mere maazī se chalī aatī hai har roz vo raat
paas aa jaate haiñ tere lab o zulf o ruḳhsār

āsmāñ bāñTtā rahtā hai nasībe 'aḳhtar'
din ko motī kī tarah raat ko aañsū kī tarah

maiñ to ab shahr meñ huuñ aur koī raat ga.e
chīḳhtā rahtā hai sahrā-e-badan ke andar

pas-ġhubār-e-havas raat Dhaltī rahtī hai
nashe meñ chuur pighaltī machaltī rahtī hai

vahī āsmān hai vahī zamīñ magar aañkh us kī jo phir ga.ī
na vo din hai ab na vo raat hai na vo sub.h hai na vo shaam hai