Tags-Raaz

kisī kā raaz itnā qīmtī thā qalb-e-'beḳhud' meñ
ḳhamoshī ko zarūrī ho gayā qufl-e-dahāñ karnā

nigāhoñ ko zabāñ karnā ḳhamoshī ko bayāñ karnā
ayaañ karnā bhī rāz-e-dil kabhī to yuuñ ayaañ karnā

chhup sakā dam bhar na rāz-e-dil firāq-e-yār meñ
vo nihāñ jis dam huā sab āshkārā ho gayā

har jazr-o-mad se dast-o-baġhal uThte haiñ ḳharosh
kis kā hai raaz bahr meñ yārab ki ye haiñ josh

shauq tirā hai maujzan zauq tirā bahāna-jū
khol na deñ bharam kahīñ parad gyaan raaz kā

ā.īna-e-ḳhayāl thā aks-pazīr raaz kā
tuur shahīd ho gayā jalva-e-dil-navāz kā

us sarv-qad kī tāb-o-mulā.em-ruḳhī kā raaz
isyāñ kī shab meñ dīda-e-pur-nam sā rah gayā

saañs lenā hai fanā ho jaanā
raaz ye barg-e-hinā jāntī hai

nahīñ kyuuñ hazrat-e-mūsā kī betābī ke ham-pairav
ki rāz-e-dil zabāñ par aa.e aur afsāna ho jaa.e

bharam khul gayā us se ayyāriyoñ kā khulā raaz bhī us se makkāriyoñ kā
churāyā thā tum ne agar dil hamārā to dil ko churā kar nazar kyuuñ churā.ī

sūrat-e-hāl ne mash.hūd kiyā kaif-e-batūñ
rāz-e-sar-basta mirā girya-e-pinhāñ na huā

maiñ jis ko ġhair samajhtā rahā sadā 'hassān'
har ek raaz kā mere vo rāzdāñ Thahrā

mirī jāma-darī ne raaz ye kholā zamāne par
ḳhirad dhoke diyā kartī hai jaib o āstīñ ban kar

munkashif the ham pe asrār-e-jamāl
rāz-dār-e-jalva-e-jānāñ the ham

qayāmat aa.ī khulā rāz-e-ishq kā daftar
baḌā ġhazab huā phūTā hai aabla dil kā

ai vaqt ke andhe rakhvālo ye raaz to ham bhī jānte haiñ
be-vaj.h tumhārī āñkhoñ se kyuuñ bīnā.ī muñh moḌ ga.ī

mahram-e-rāz-e-mohabbat hai agar dil terā
to ḳhudā ke liye is raaz ko rusvā bhī na kar

maiñ bhī raahī huuñ mujhe apne safar kā raaz de
kis kī ḳhātir ye talāsh-e-jāvidāñ āb-e-ravāñ

raaz kī justujū meñ martā huuñ
aur maiñ ḳhud huuñ ek parda-e-rāz