Tags-Raaz

kyā ḳhabar thī rāz-e-dil apnā ayaañ ho jā.egā
kyā ḳhabar thī aah kā shola zabāñ ho jā.egā

āḳhir aa hī ga.ī fuġhāñ lab par
zabt-e-rāz-e-ġham-e-nihāñ aur maiñ

ik pal meñ hī batlā ga.iiñ dam toḌtī kirneñ
vo raaz jo ai 'shām' na paayā mujhe din-bhar

fikr-e-dushvārī-e-matālib meñ
ek bechāra rāzdāñ aur maiñ

apnī qudrat kā jab iz.hār kiyā sān.e.a ne
raaz ā.īne pe ā.īna-garī kā likkhā

'muzaffar' raaz poshīda rahegā kaise mahfil meñ
lahū Tapkā rahī hai chashm-e-tar āhista āhista

ham-shakl mirā kaun hai ham-zād-o-hamrāz
rahtā hai koī mujh sā hī paikar mire andar

urdu hai mirā naam maiñ 'ḳhusrav' kī pahelī
maiñ 'mīr' kī hamrāz huuñ 'ġhālib' kī sahelī

nigāh-e-shauq ne mujh ko ye raaz samjhāyā
hayā bhī dil kī nazākat pe zarb-e-kārī hai

narm havā pe yuuñ khule kuchh tire pairahan ke raaz
sab tire jism-e-nāz ke rāz-e-visāl le ga.ī

rāz-e-mai-noshi-e-'mullā' huā ifshā varna
kyā vo mad-mast na thā laġhzish-e-pā se pahle

charāġh le ke use shahr shahr DhūñDhtā huuñ
bas ek shaḳhs mujhe rāz-dāñ banānā hai

hāthoñ kā rabt harf-e-ḳhafī se ajiib hai
hilte haiñ haath raaz kī bātoñ ke saath saath

sohbat-e-pīr-e-rūm se mujh pe huā ye raaz faash
laakh hakīm sar-ba-jeb ek kalīm sar-ba-kaf

jo raaz dil se zabāñ tak aayā to us ko qaabū meñ phir na paayā
zabāñ se niklā kalām ban kar kamāñ se chhūTā ḳhadañg ho kar

hañsī meñ vo baat maiñ ne kah dī ki rah ga.e aap dañg ho kar
chhupā huā thā jo raaz dil meñ khulā vo chehre kā rañg ho kar

titliyāñ rañgoñ kā mahshar haiñ kabhī sochā na thā
un ko chhūne par khulā vo raaz jo khultā na thaa!

ye rāz-o-niyāz-e-ġham kuchh vo bhī samajhte haiñ
jab choT paḌī dil par palkoñ ko salām aayā

haTā rahā huuñ shab-o-roz is liye ḳhud ko
fanā ke raaz se mujh ko bhī āgahī ho jaa.e

aise khilā vo phuul sā chehra phailī saare ghar ḳhushbū
ḳhat ko chhupā kar paḌhne vaalī raaz chhupānā bhuul ga.ī