Tags-Raaz

tirī sadā-e-mohabbat ne faash kar Daalā
vo rāz-e-hashr jo rakhtā hai ek mahshar-e-rāz

ik ek karke faash hue jā rahe haiñ raaz
shāyad ye kā.enāt qarīn-e-qayās hai

dabā kar to rakhūñgā raaz tere
mujhe phir bhī kisī ne paḌh liyā to

ho-na-ho is meñ koī raaz chhupā hai 'aḳhtar'
kaam aksar to ḳhudā kā bhī bashar se niklā

jabki dushman ho raaz daañ apnā
raaz kyuuñ kar rahe nihāñ apnā

kuchh na thā juz ḳhvāb-e-vahshat vo vafā is ahd kī
raaz itnī der kā is umr meñ aa kar khulā

rāz-e-haq faash huā mujh pe bhī hote hote
ḳhud tak aa hī gayā 'irfān' bhaTaktā huā maiñ

ye tirī sadā-e-nāla mujhe muttahim na kar de
mire parda-dār so jā mire rāz-dār so jā

karam hai raaz ummīd-e-karam kī hastī kā
ummīd tere karam kī ummīd-vār huī

hayāt-o-marg ke kuchh raaz khul ga.e hoñge
fasāna-e-shab-e-ġham varna dosto kyā thā

adam kā raaz sadā-e-shikast sāz-e-hayāt
hijāb-e-zīst bhī kitnā latīf pardā thā

rāz-e-ishq iz.hār ke qābil nahīñ
jurm ye iqrār ke qābil nahīñ

dil ne rag rag se chhupā rakkhā hai terā rāz-e-ishq
jis ko kah de nabz aisī merī bīmārī nahīñ

terī nigāh-e-mast se mujh pe ye raaz khul gayā
aur bhī gardisheñ haiñ kuchh gardish-e-jām ke sivā

ek lamha ki garāñ hai mujhe tanhā.ī meñ
ek duniyā ki javāñ hai mire hamrāz ke saath

sar-e-niyāz kī azmat ke raaz jab khulte
dar-e-butāñ se nishān-e-dar-e-haram milte

hama kashmakash mirī zindagī kabhī aa ke dekh ye bebasī
tirī yaad vaj.h-e-sukūñ sahī vahī rāz-e-dīda-e-tar bhī hai

raaz kī baat batā.ūñ maiñ tumheñ
baat ye maiñ ne uḌaa.ī huī hai

talāsh-e-ma.anī-e-hastī meñ falsafa na ḳhirad
ye raaz aaj talak be-hijāb ho na sakā

bas ki fa.ālummā-yurīd hai aaj
har silah shor englistāñ kā