Tags-Raaz

ye merā koī dam-sāz na ho 'rif.at' ye koī hamrāz na ho
jo mere giit mirī ġhazleñ merī hī dhun meñ gaa.e hai

'nushūr' ālūda-e-isyāñ sahī par kaun baaqī hai
ye bāteñ raaz kī haiñ qibla-e-ālam bhī piite haiñ

ik raaz jo hamrāz rahā barsoñ 'samīna'
ab sochtī huuñ faash jahāñ par huā kaise

hamārā sajan ḳhush-nazar baaz hai
to us dil meñ sab ishq kā raaz hai

to mire raaz batāte hue thaktā hī nahīñ
meñ tire raaz chhupāte hue thak jaatā huuñ

tere hamdam tire hamrāz huā karte the
ham tire saath tirā zikr kiyā karte the

haa.e is sharm-e-mohabbat kā burā ho 'tābāñ'
ishq kā raaz ḳhud un se bhī chhupānā hai hameñ

ham vo the dil hī dil meñ kiyā zabt-e-rāz-e-ishq
sadme uThā ke mar ga.e muñh se na aah kī

vo adh-khulī khiḌkiyoñ kā mausam guzar gayā to ye raaz jaanā
idhar shanāsā.ī tak nahīñ thī udhar taqāzā hī dūsrā thā

pas-manzaroñ ke sāmne manzar hī rah na jaa.eñ
sīnoñ ke raaz sīnoñ ke andar hī rah na jaa.eñ

ḳhūn-e-dil meñ hai nihāñ shola-e-sad-rañg-e-bahār
is gulistāñ meñ haiñ is raaz ke mahram kitne

ho ke ḳhushbū-e-gul-e-rāz uḌegā ik din
kab talak qaid rahegā pas-e-dīvār-e-ḳhayāl

be-ḳhudī meñ kah chalā thā rāz-e-dil
vo to kahiye kuchh ḳhayāl aa hī gayā

chup rahūñ kaise maiñ barbād-e-jahāñ hone tak
raaz ko raaz hī rakhnā hai baiyyāñ hone tak

shabnam sazā hai jur.at-e-ifshā-e-rāz kī
goyā zabān-e-gul meñ haiñ chhāle paḌe hue

kis tarah chhuptā mirī TuuTī huī tauba kā raaz
ek maiñ tanhā na thā maiḳhāne kā mai-ḳhāna thā

aql ko kyuuñ batā.eñ ishq kā raaz
ġhair ko rāz-dāñ nahīñ karte

rāz-poshī-e-mohabbat ke ta.iiñ chāhiye zabt
so to be-tābī-e-dil bin mujhe ārām nahīñ

harīm-e-rāz umīd-e-karam ki zauq-e-numūd
ḳhulūs-e-dost kī qīmat badaltī rahtī hai

jo huā rāz-e-ishq suuñ āgāh
vo zamāne kā faḳhr-e-rāzī hai