Tags-Rang

jumbish-e-mehr hai har lafz tirī bātoñ kā
rañg uḌtā nahīñ āñkhoñ se mulāqātoñ kā

rañg-o-rāmish zamzame gul-hā-e-tar hote hue
dil akelā aur itne ham-safar hote hue

rahā kartā thā jab vo is makāñ meñ
to rañg-e-bām-o-dar aisā nahīñ thā

mujhe to hañsī apne ġham par na aatī
magar kyā karūñ rañg-e-mahfil yahī hai

ruuh kī āvāz ham ā.eñge sāz-o-chañg ho
jo paḌe insāñ pe vo insāniyat kā rañg ho

az-sar-e-nau phir murattab ho jahān-e-rañg-o-bū
ḳhār-o-ḳhas se phir ho paidā kār-ḳhāne rañg-o-bū

vo sarḳhushī de ki zindagī ko shabāb se bahara-yāb kar de
mire ḳhayāloñ meñ rañg bhar de mire lahū ko sharāb kar de

rañg ḳhushbū aur mausam kā bahānā ho gayā
apnī hī tasvīr meñ chehra purānā ho gayā

rañg uḌne lagā hai phūloñ kā
ab to aa jaao! vaqt nāzuk hai

ab vo rañg-e-chaman-o-ḳhanda-e-gul bhī na rahe
ab vo āsār-e-junūñ bhī nahīñ dīvānoñ meñ

urūs-e-fikr kī saada hatheliyoñ ke naam
tamām rañg-e-shafaq surḳhī-e-hinā likh do

rañg māhaul-e-chaman se ye huvaidā hai 'saġhīr'
kaam aa.egī mirī jur.at-e-parvāz kahīñ

ye haiñ apne zehn ke aks sab yahāñ asl kyā hai ḳhayāl kyā
ye ḳhizāñ ke rañg haiñ be-ḳhabar to samajh rahā hai bahār hai

shaam tak phir rañg ḳhvāboñ kā bikhar jā.egā kyā
rā.egāñ hī aaj kā din bhī guzar jā.egā kyā

bikhrī huī hai dhund sar-e-shīsha-e-talab
be-rañg-o-nūr aks-e-tamannā hai sāmne

pichhle pahar jo sham.a ne khīñchī ik āh-e-sard
chehre kā un ke rañg badaltā chalā gayā

nashshe meñ surḳh rañg tahī-az-ḳhatar nahī.?
hoñToñ ko ahmarīñ na karo maiñ nashe meñ huuñ

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

sanjīdgī kā rañg ho thoḌā sā pyaar meñ
baaqī magar ho rañg-e-sharārat ḳhudā kare