Tags-Rang

badan ke rañg ruḳhsat ho rahe haiñ
magar sāñseñ nibhānā chāhtī haiñ

chamakte mausam kā rañg phailā thā jis se āñkheñ dhanak huī thiiñ
aur ab basārat kī narm miTTī meñ thuur kāñTe uge hue haiñ

shigāf-e-sīna se az-bas-ki dūd-e-dil nikaltā hai
siyah ab jā-ba-jā se rañg hai apne garebāñ kā

phuul ḳhushbū rañg titlī isti.āre haiñ magar
mujh ko ye sab naam de kar mo'atabar us ne kiyā

titliyoñ kā rañg ho yā jhūmte bādal kā rañg
ham ne har ik rañg ko jaanā tire āñchal kā rañg

ab to shabnam kā har ik motī hai kañkar kī tarah
haañ usī gulshan pe chhāyā thā kabhī maḳhmal kā rañg

aah ye rañgīn mausam ḳhuun kī barsāt kā
chhā rahā hai aql par jazbāt kī halchal kā rañg

pheñknā tum soch kar lafzoñ kā ye kaḌvā gulāl
phail jaatā hai kabhī sadiyoñ pe bhī ik pal kā rañg

dhaḌkanoñ ke taal par vo haal apne dil kā hai
jaise gorī ke thirakte paañv meñ paa.el kā rañg

chaar jānib jis kī ra.anā.ī ke charche haiñ 'qatīl'
jaane kab dekheñge ham us aane vaalī kal kā rañg

terī āñkhoñ kī chamak hai yā sitāroñ kī ziyā
raat kā hai ghup añdherā yā tire kājal kā rañg

phir rahe haiñ log hāthoñ meñ liye ḳhanjar khule
kūche kūche meñ ab aatā hai nazar maqtal kā rañg

duniyā ke kachche rañgoñ kā ronā royā
phir duniyā par apnā rañg jamāyā ham ne

ulTī sīdhī tahrīroñ ke
rañg dikhā kar bahkāte haiñ

jab tak koī aa.e na lab-e-bām nikhar kar
rañg-e-shafaq-e-shām nikhartā hī nahīñ hai

rañg-e-ulfat kī baqā ke vāste mere ḳhudā
āshiqī qaa.em rahe aur dilbarī qaa.em rahe

ba-zāhir rañg ḳhushbū raushnī yak-jān hote haiñ
magar ye shahr andar se bahut vīrān hote haiñ

ba-hazār koshish-o-justujū mirā zaḳhm-e-dil na huā rafū
lage laakh marham-e-rañg-o-bū na bharā gayā na siyā gayā

us ek rañg kī thī justujū zamāne ko
vo ek rañg jo mujh pe khulā ziyāda hai

rañg be-rañg hoñ ḳhushbū kā bharosa jaa.e
merī āñkhoñ se jo duniyā tujhe dekhā jaa.e