Tags-Rang

vo jo aks rañg-e-'hilāl' thī vo jo aap apnī misāl thī
mujhe aaj tak hai ḳhalish yahī tujhe vo ġhazal na sunā sakā

hai vahī aaj bhī rañg-o-ravish-e-rūd-e-farāt
har nafas mātamī-e-tishna-labāñ hai ki jo thā

vo kabhī dhuup nazar aa.e kabhī dhuñd lage
dekhtā huuñ use har rañg badaltā huā maiñ

shahr vaale to havāoñ meñ ghule zahr kā haal
rañg tasvīr se uḌ jaate haiñ tab jānte haiñ

vo ek shaḳhs ki baa.is mire zavāl kā thā
zamīñ se miltā huā rañg us ke jaal kā thā

maiñ rañg-e-sahar tere liye DhūñD ke lā.ūñ
tū shaam ke mele meñ kidhar jā.egā āḳhir

aañkh meñ kitne tilismāt-e-jahāñ pāoge
ḳhuun rañgīñ hai to sau rañg yahāñ pāoge

mire ḳhayāl kā saaya jahāñ paḌā hogā
ba-rañg-e-rañg-e-tilism-e-ravāñ paḌā hogā

aañkh se dil ne kahā rañg-e-jahāñ shauq se dekh
mere dekhe hue sapne mujhe vāpas kar de

har naqsh hai vajūd-e-fanā mere sāmne
hairān huuñ ye rañg hai kyā mere sāmne

pichhlī mohabbat kā tujh meñ
rañg ik maddham baaqī hai

hamīñ se rañg-e-gulistāñ hamīñ se rañg-e-bahār
hamīñ ko nazm-e-gulistāñ pe iḳhtiyār nahīñ

lag na jaa.e ruḳh-e-gul-rañg ko apnī hī nazar
apnī sūrat kabhī ā.īne meñ dekhā na kareñ

maqbūliyat suḳhan kī hai 'sāhir' jo rañg-e-bazm
rañg-e-ayār-e-tab-e-suḳhan-dāñ nikāliye

rañg kyā ajab diyā merī bevafā.ī ko
us ne yuuñ kiyā ki mere ḳhat jalā.e uud meñ

dahakte rañg the jo āsmān chhūte the
khile the phuul ki ik aag sī shajar meñ lagī

ek ik tār-e-nafas āshufta-e-āhañg thā
ab ki bāzār-e-dar-o-dīvār kā kyā rañg thā

har har nafas pe rañg badaltī hai zindagī
ik phuul sī lage hai kabhī ḳhaar sī lage

ḳhair-bāshad ki mire ḳhuun kī sī
surḳhī ai rañg-e-hinā tujh meñ hai