Tags-Rang

bahār-e-rañg-e-ḳhūn-e-gul hai sāmāñ ashk-bārī kā
junūn-e-barq nashtar hai rag-e-abr-e-bahārī kā

rañg-afshāñ ho jis tarah ummīd
uljhe uljhe hasīñ ḳhayāloñ meñ

maiñ aabī rañg meñ thoḌī sī aab chāhtā huuñ
agar nigāh paḌe aañkh meñ chubhan bhī to ho

bharosā hai agar duniyā ko ham par
hamāre rañg meñ Dhaltī rahegī

lakīr hai na koī rañg hai na kalma hai
ye kaisā naqsh banāyā hai mere siine par

vo rañg-rūp masāfat kī dhuul chaaT ga.ī
mirā vajūd mohabbat kā bhuul chaaT ga.ī

vo ḳhūn-e-hasrat-e-dil se navāz kar aañsū
lahū kā rañg bhī shāmil talāsh kartā hai

kitne chehroñ ke rañg zard paḌe
aaj sach bol kar himāqat kī

ādāb-e-qaid-o-band ne badlā ajiib rañg
kunj-e-qafas kā naam bhī ab āshiyāñ huā

kis ke lahū ke rañg haiñ ye ḳhaar shoḳh-rañg
kyā gul katar ga.ī rah-e-manzil kahā na jaa.e

havā ke sayyāl bāzuoñ par ghaTā ke shab-rañg kārvāñ haiñ
nasīm-e-mastāna raqs meñ hai fazā meñ nashsha sā chhā rahā hai

kahīñ kisī kī siyāsat na rañg laa.ī ho
bhare chaman meñ hai kyuuñ aaj bāġhbāñ tanhā

jo sach pūchho to sadqe meñ tumhāre aks aariz ke
kañval phūle diloñ ke rañg ġhunchoñ kā nikal aayā

bāġhbāñ hushiyār ho mushtāq-e-ruḳhsat hai bahār
rañg badlā gulistāñ kā phuul murjhāne lage

ab kaifiyat o rañg nazar aa.ī jo duniyā
mausam nayā phir apne hī andar se nikālā

har rañg-e-tarab mausam o manzar se nikālā
ik rāsta phir sa.ī-e-mukarrar se nikālā

ai gul-andām ye hai fasl-e-javānī kā uruuj
husn kā rañg Tapakne ko hai ruḳhsāroñ se

soch rakhā thā ishq se rañg bhareñge sher meñ
dil ne magar nahīñ kyā ishq 'ziyā' nahīñ kiyā

lahūluhān raheñ ham ki shaad kaam raheñ
sharīk qāfila-e-rañg-o-bū to honā hai

kyā ḳhizāñ ne rañg-o-nik.hat par kamandeñ Daal diiñ
kyuuñ lab-e-gul kā tabassum bhī fuġhāñ hone lagā