Tags-Rang

aks ko naqsh to jazbe ko karūñ pāra-e-rañg
kal ke ā.īne se jhāñkegā na chehra aisā

ek pal meñ ye ridā-e-āb meñ chhup jā.eñgī
rañg kī lahroñ ke pīchhe bhāgnā achchhā nahīñ

ek rañg apnā hai rāt-rut kī chhāñv meñ
chāñdnī bhī aa.egī tum bhī aa ke ro jaanā

roz-e-raushan ho na kyūñkar mirī āñkhoñ meñ siyāh
hai tire gesū-e-shab-rañg kā saudā mujh ko

merī āñkhoñ meñ na.e rañg ubhar aa.e haiñ
sā.īñ ghar kā sar-o-sāmān badal kar dekheñ

titliyāñ jañgaloñ ko lauT ga.iiñ
rañg-e-fitrat chaman chaman chhū kar

ḳhvāb āñkhoñ meñ rañg tair ga.e
badliyāñ aa ga.iiñ kiran chhū kar

hazār rañg haiñ husn-o-jamāl ke lekin
vo rañg aur hai jis ko shabāb le aa.e

ab tum socho ab tum jaano jo chāho ab rañg bharo
ham ne to ik naqsha khīñchā ik ḳhāka tayyār kiyā

aḳhlāq vaz.a tarz ravish sab meñ inqalāb
ab rañg-Dhañg aur hī pīr-o-javāñ ke haiñ

firāq o vasl to tasvīreñ un ke naam kī haiñ
maiñ in meñ rañg kisī ke lahū se bhartā kyā

rañg nikhre haiñ phir vahīñ pe 'bakul'
merī tasvīr thī jahāñ se ḳharāb

to ye rañg chambar-e-charḳh kā nazar aa.e thā mujhe barmalā
kabhī thā siyah kabhī zard thā kabhī sabz thā kabhī laal thā

pasand haiñ tum ko bhīgī āñkheñ larazte lab aur udaas chehre
visāl kā jab irāda karnā mujhe bhī rañg-e-malāl denā

rah-e-mohabbat kī saḳhtiyoñ se jo rañg-e-ruḳh thā jhulas chukā hai
tumhārī ulfat pe mar rahe haiñ mirā bhī chehrā ujaal denā

hazār rañg se phūle chaman meñ go gulzār
par us baġhair ḳhush aatī nahīñ mujhe ye bahār

guloñ ke muñh pe na ye rañg-e-āb-o-tāb rahe
vo rashk-e-bāġh kare gar udhar ko aa ke guzār

haTe ye ġhāza-e-shab-rañg to use dekhūñ
pasand hī nahīñ ā.īna darmiyāñ mujh ko

ye kis ke izn-o-razā se bahak rahe haiñ badan
fareb-rañg na de paayā ye jahāñ mujh ko

zulf-e-shab-rañg ko ham yaad kiyā karte haiñ
shab-e-tārīk meñ fariyād kiyā karte haiñ