Tags-Rang

baḌe shabāb se aa.egā sail-e-rañg ab ke
phir is meñ maiñ bhī to ik jū-e-ḳhūñ milā dūñgā

badlā jo rañg vaqt ne manzar badal ga.e
āhan-misāl log bhī zer-o-zabar hue

zof se ai girya kuchh baaqī mire tan meñ nahīñ
rañg ho kar uḌ gayā jo ḳhuuñ ki dāman meñ nahīñ

zor yaaro aaj ham ne fat.h kī jañg-e-falak
yak tamāñche meñ kabūdī kar diyā rañg-e-falak

har chehra har rañg meñ aane lagtā hai
pesh-e-nazar yādoñ ke albam hote haiñ

har rañg jamāte haiñ yaqīñ-tāb badan kā
in ḳhvāb se hoñToñ pe asātīr ke motī

bahār aa.ī to āñkhoñ meñ ḳhaak uḌne lagī
na koī phuul khilā aur na rañg o bū raushan

kuchh laag kuchh lagāv mohabbat meñ chāhiye
donoñ tarah kā rañg tabī.at meñ chāhiye

tūr-e-sīnā ho ki lahore kī galiyāñ 'shohrat'
husn-e-har-rañg gurezāñ hai ḳhabar-dār raho

rañg-o-ḳhushbū ke tilismāt meñ khone vaalo
phuul meñ aag bhī pinhāñ hai ḳhabar-dār raho

maujib-e-rañg-e-chaman ḳhūn-e-shahīdāñ niklā
maut kī jeb se bhī ziist kā sāmāñ niklā

rañg laayā nahīñ abhī ronā
abhī laḳht-e-jigar nahīñ aatā

laala har saal rañg laatā hai
rañg-e-dāġh-e-jigar nahīñ aatā

ho jo yak-pahlū-o-yak-rañg nahīñ hai tū 'shahāb'
sho.ala-o-shabnam-o-sīmāb-o-sabā huuñ maiñ bhī

ek muddat se sar-e-dosh-e-havā huuñ maiñ bhī
itnā shaffāf ki ham-rañg-e-fazā huuñ maiñ bhī

kuchh lahū kā rañg aur kuchh āb-o-gil
mujh meñ to ḳhud-sāḳhta kuchh bhī nahīñ

phir kisī taur sameTo ye bikharte hue rañg
yuuñ pareshān tasavvur kī ikaa.ī na rakho

ghar bhī vīrāna lage taaza havāoñ ke baġhair
bād-e-ḳhush-rañg chale dasht bhī ghar lagtā hai

juuñ par-e-tā.ūs jauhar taḳhta mashq-e-rañg hai
bas-ki hai vo qibla-e-ā.īna mahv-e-iḳhtirā.a

ye ḳhudā hī jaane vo kaun thā jo shahīd-e-nāz-o-adā huā
ki uḌī hai ḳhāk-e-rah-e-sanam to ḳhizāñ meñ rañg-e-bahār hai