Tags-Rang

malāl-e-rañg-e-jalāl-o-jamāl Thahrā hai
dayār-e-sañg huā hai dayār-e-jāñ merā

zindagī yuuñ tujhe rahne nahīñ dūñgā be-rañg
terī tasvīr meñ kuchh rañg to bhar jā.ūñgā

vo merī kahānī ko ġhalat rañg na de deñ
afsāna-nigāroñ se mirā zikr na karnā

thā tumhāre sāmne be-kaif rañg-e-gulistāñ
dīda-e-nargis to kahne ko chhalaktā jaam thā

merī niyyat dekh kar merī tabī.at dekh kar
ruk gayā rañg-e-majāz apnī haqīqat dekh kar

hai charāġhāñ hī charāġhāñ sar-e-āriz sar-e-jām
rañg-e-sad-jalva-e-jānāna sanam-ḳhāna banā

yuuñ bhī mahrūm haiñ ham rañg se ḳhushbū se 'nabīl'
phuul apne haiñ to gul-dān kisī aur kā hai

ḳhafgī ho yā jafā.eñ hoñ yā mehrbāniyāñ
har rañg chashm-e-nāz kā achchhā lagā mujhe

kisī ke rañg rañgā maiñ na mere rañg koī
ye ibtidā.ī nayā Dhab to iḳhtitāmī hai

maiñ rañg-e-āsmāñ kar ke sunahrī chhoḌ detā huuñ
vatan kī ḳhaak le kar ek muTThī chhoḌ detā huuñ

yahīñ ham-rañg-e-gul-hā-e-hasīñ rahtī thī 'rehāna'
misāl-hūr-e-firdaus-e-barīñ rahtī thī 'rehāna'

ye dayār-e-dil ye khañDar sahī magar is kī raunaqeñ kam nahīñ
yahāñ rañg rañg ke zaḳhmoñ kā shab-o-roz mela lagā huā

rañg-o-bū hī nahīñ faqat ābād
ḳhuun apnā bhī hai chaman meñ bahut

har chehra har rañg meñ aane lagtā hai
pesh-e-nazar yādoñ ke albam hote haiñ

shahr kī rāheñ raqs-kunāñ haiñ rañg fazā meñ bikhrā hai
kitne chehre saje hue haiñ in chamkīlī caroñ meñ

ishq miyāñ is aag meñ merā zāhir hī chamkā denā
mere badan kī miTTī ko zarā kundan-rañg banā denā

manzar kisī tilism kī zad meñ na ho 'nasīm'
sarsoñ kā rañg dauḌ rahā hai kapās meñ

lahū kā rañg chaTānoñ ke ābshāroñ meñ
unheñ nasheb meñ dariyā-e-ḳhūñ bahānā thā

titlī terā rañg churāne aa.ī hai
ḳhush-rū titlī ke premī matvāle phuul

nadīm baaġh meñ josh-e-numū kī baat na kar
bahār aa to ga.ī rañg-o-bū kī baat na kar