Collections

Lab Shayari

Motivational Ghazals

Best Khamoshi Shayari

More Collections

Tags-Rang

mat pūchh ki kyā haal hai merā tire pīchhe
tū dekh ki kyā rañg hai terā mire aage

bazicha-e-atfal hai duniya mere aage

shaam ḳhush-rañg parindoñ ke chahak jaane se
ghar huā jaatā hai din meñ jo makāñ hotā hai

wahm hi hoga magar rose kahan hota hai

rañg apnā huā sunte hī multānī kī miTTī
to kiijo safar jānib-e-multān samajh kar

mango ho abhi dil mujhe nadan samajh kar

abhī shabīh mukammal nahīñ huī terī
abhī to bharnā hai ik rañg-e-māvarā mujh ko

abhi se taq-e-talab par na tu saja mujhko

ham pe rañg-o-roġhan kyā tasvīreñ kyā
ghar ke pichhle hisse kī dīvār the ham

rah-e-ishq mein itne to bedar the hum

jism kī qaid se sab rañg tumhāre nikal aa.e
merī dastak se to tum aur bhī pyāre nikal aa.e

jism ki qaid se sab rang tumhaare nikal aae

partav-e-rañg se gulgūñ huā māmūra-e-chashm
dhuum hai kū-e-tamāshā ke chaman hone kī

shairi baat nahin garm-e-suKHan hone ki

yuuñ rahā to saare manzar bad-numā ho jā.eñge
ik bhayānak rañg har tasvīr meñ bhar jā.egā

phir faza mein koi zahrila dhuan bhar jaega

apnī pahchān ke sab rañg miTā do na kahīñ
ḳhud ko itnā ġham-e-jānāñ se shanāsā na karo

apni pahchan ke sab rang miTa do na kahin

aur phir ham pe khulā vaqt kī raftār kā raaz
ab koī rañg koī ruup nahīñ vaj.h-e-sukūñ

munjamid honTon pe hai yaKH ki tarah harf-e-junun

un āñkhoñ kī taqdīr ab ashk-rezī huī
aur ashkoñ kī taqdīr meñ rañg-e-marjāñ bhī hai

hamari tabahi mein kuchh us ka ehsan bhi hai

ye rañg-e-dast-e-nāz yūñhī to nahīñ 'salīm'
dil kā lahū bhī sarf huā hai hinā ke saath

majburiyon ka pas bhi kuchh tha wafa ke sath

husn jo rañg ḳhizāñ meñ hai vo pahchān gayā
fasl-e-gul jā mire dil se tirā armān gayā

husn jo rang KHizan mein hai wo pahchan gaya

shaam aa.ī tirī yādoñ ke sitāre nikle
rañg hī ġham ke nahīñ naqsh bhī pyāre nikle

sham aai teri yaadon ke sitare nikle

tahajjud meñ vo rañg-o-bū raat bhar
ḳhudā se rahī guftugū raat bhar

tahajjud mein wo rang-o-bu raat bhar

nazar aa.e jab āsār-e-judā.ī rañg-e-mahfil se
nigāh-e-'yās' begāna huī yārān-e-yak-dil se

lipaTti hai bahut yaad-e-watan jab daman-e-dil se

shafaq kā nuur bhī rah rañg-e-āftāb meñ aa
nazar bachā ke kabhī vādī-e-gulāb meñ aa

shafaq ka nur bhi rah rang-e-aftab mein aa

kidhar Dubo ke kahāñ par ubhārtā hai tū
ye kaisā rañg hai dariyā tirī ravānī kā

kidhar Dubo ke kahan par ubhaarta hai tu

rañg-e-dil rañg-e-nazar yaad aayā
tere jalvoñ kā asar yaad aayā

rang-e-dil rang-e-nazar yaad aaya

log kahne lage kundan pe chaḌhā.e miinā
sabza-e-ḳhat se vo ḳhush-rañg tirā gaal huā

unki raftar se dil ka ajab ahwal hua