Tags-Rang

ho rañg pe mahfil to badaltī haiñ fazā.eñ
ai 'fazl' sañvar jaatā hai andāz-e-bayāñ aur

bahāroñ ke āñchal meñ ḳhush-bū chhupī hai
guloñ kī qabā meñ bhare haiñ sabhī rañg

surāġh-e-kārvān-e-rañg-o-bū se
sabā āvāra-e-gard-e-safar hai

Dare vo kyuuñ mire phūloñ meñ aatī mil ke hinā
ye phuul ḳhaak tamannā-e-rañg-o-bū karte

kaliyoñ kī qabā.eñ chaak huiiñ phūloñ ke chehre zaḳhmī haiñ
ab ke ye bahāroñ kā mausam kyā rañg nayā dikhlā.e hai

ġhair par bhī vahī hai rañg-e-sitam
haañ mujhe aap se shikāyat hai

shab o roz royā kareñ ḳhuun āñkheñ
yahī to vo rañg-e-hinā chāhtā hai

ajiib rañg thā majlis kā ḳhuub mahfil thī
safed posh uThe kaa.eñ kaa.eñ karne lage

phail kar tujh meñ na bas jā.ūñ kahīñ
rañg mujh ko rañg-e-imkānī ke paar

ashk-e-gulgūñ ko na ḳhūn-e-shohadā ko dekhā
shoḳh jaisā ki tire rañg-e-hinā ko dekhā

adhar rañg bhare suhte mānik naman
ki yāqūt rañg un the varsāz hai

kam-nigāhī ne use kuchh aur gahrā kar diyā
vo chhupāte hī raheñ rañg-e-shanāsā.ī to kyā

ai vatan paak vatan rūh-e-ravān-e-ahrār
ai ki zarroñ meñ tire bu-e-chaman rañg-e-bahār

paa.ī ġhunchoñ meñ tire rañg kī duniyā ham ne
tere kāñToñ se liyā daras-e-tamannā ham ne

ghulā milā rañg pahelī huā
nipaT añdheroñ meñ palī chāñdnī

vasl meñ rañg uḌ gayā merā
kyā judā.ī ko muñh dikhā.ūñgā

baaqī hai lahū dil meñ to har ashk se paidā
rañg-e-lab-o-ruḳhsār-e-sanam karte raheñge

rañg tum bhī badalte ho pal pal
ḳhuub tasvīr ho zamāne kī

fidye bahut us abru-e-ḳhamdār ke liye
chū rañg kī kamī nahīñ talvār ke liye

jo rañg gul o laala o nasrīñ se haiñ mansūb
vo rañg ab āshufta-bayānī ke liye haiñ