Tags-Rang

sher-e-'sardār' meñ hai sho.ala-e-be-bāk kā rañg
harf-e-'sardār' meñ haq-goī-o-ḳhush-guftārī

mausam-e-rañg bhī hai fasl-e-ḳhizāñ bhī taarī
dekhnā ḳhuun ke dhabbe haiñ ki hai gul-kārī

khul gayā daftar-e-sad-rañg mulāqātoñ kā
husn ke zikr pe kyā kyā na fasāne nikle

hāshiya hai kabhī aur kabhī rañg hai
jaise jaam aadmī aur sharāb aadmī

ham-rañg-e-dil-e-pur-ḳhūñ har lāla-e-sahrā.ī
gesū kī tarah muztar ab raat kī raanī hai

ḳhush-rañg huā aur tirī yaad kā manzar
palkoñ pe agar koī sitārā nazar aayā

zad par jo nigāhoñ kī vo chehrā nazar aayā
kuchh rañg-e-hayā aur nikhartā nazar aayā

bārishoñ meñ bhīgne kī ab mujhe fursat nahīñ
mausamoñ ke rañg meñ pahlī sī vo hiddat nahīñ

har taraf zardi-e-ruḳhsār nazar aatī hai
kahīñ raushan na milā rañg-e-hinā mere ba.ad

maiñ to ik ruup huuñ terā yahī kaafī hai 'sabā'
ab isī rañg se is dil ko sajāne nikle

shāḳhoñ kā rañg-rūp ḳhizāñ le ga.ī magar
andāz aaj bhī vahī arbāb-e-fan sā hai

hai ab bhī rañg rañg-e-tamannā kā pairahan
ḳhvāboñ ke saath ab bhī vahī husn-e-zan sā hai

āñkheñ baras ga.iiñ to nikhār aur aa gayā
yādoñ kā rañg bhī to gul-o-yāsman sā hai

mil-jul ke ba-rañg-e-rañg-e-shīr-o-shakar donoñ ke nikharte haiñ jauhar
dariyāoñ ke sañgam se baḌh kar tahzīboñ kā sañgam hotā hai

nazar meñ rañg the ārā.ish-e-makāñ ke magar
havā kuchh aisī chalī ghar ke bām-o-dar bhī ga.e

rañg-ras hai merī ragoñ meñ ravāñ
ba-ḳhudā merī zindagī hai sharāb

na jaane rut kā tasarruf thā yā nazar kā fareb
kalī vahī thī magar rañg jhilmilā.e bahut

fasl-e-gul rañg-e-chaman daur-e-ḳhizāñ husn-e-bahār
muḳhtalif naam haiñ saaqī tire paimānoñ ke

tashbīhoñ ke rañg-mahal meñ koī na tujh ko jaan sakā
giit sunā kar ġhazleñ kah kar dīvāne kahlā.e ham

likhā 'nasīr' ne har rañg meñ safed-o-siyāh
magar jo harf lahū meñ machal rahā hai miyāñ