Tags-Rang

lutf-e-bedād hayā ġhussa taġhāful shoḳhī
rañg kyā kyā na talavvun ne adā ke badle

rañg kī aañch meñ jaltā huā ḳhushbū kā badan
aañkh us phuul kī tasvīr meñ kyā kyā dekhe

aariz ke qarīn gulāb kā phuul
ham-rañg kī duun ho ga.ī hai

sab rañg vahī Dhañg vahī naaz vahī the
is baar to mausam ke sab andāz vahī the

āsmānoñ par bhī haiñ charche husn-e-ālamgīr ke
chāñd ne bhī rañg uḌaa.e chāñd sī tasvīr ke

rañg-o-bū ke parde meñ kaun ye ḳhirāmāñ hai
har nafas mo.attar hai har nazar ġhazal-ḳhvāñ hai

agar ye rañgīnī-e-jahāñ kā vajūd hai aks-e-āsmāñ se
to phir ruḳh-e-sham-o-ā.ina par khilā hai ye rañg-e-ḳhūñ kahāñ se

hazār rañg qabāoñ pe Daal rakkhe haiñ
ajiib ḳhabt hai dāman ko pārsā kar leñ

ek hī ruḳh tak apnā mizāj-e-zauq-e-vafā mahdūd nahīñ
rañg diyā mai-ḳhāne ko bhī maqtal se bhī pyaar kiyā

āñkheñ black-and-white haiñ to phir in meñ kyuuñ
rañg-birañge ḳhvāb kahāñ se aate haiñ

rañg badlā yaar ne vo pyaar kī bāteñ ga.iiñ
vo mulāqāteñ ga.iiñ vo chāñdnī rāteñ ga.iiñ

har gul hamārī aql pe hañstā rahā magar
ham fasl-e-gul meñ rañg-e-ḳhizāñ dekhte rahe

haath lagte hī bikhar jaatā hai jin kā shoḳh rañg
umr bhar in titliyoñ kī khoj meñ bhāgā kiye

taḳhlīq-e-musavvir ko zarā ġhaur se dekho
rañgoñ ke tanāsub meñ ka.ī rañg nihāñ haiñ

āñkhoñ meñ koī mauj-e-shafaq-rañg nahīñ kyoñ
dil meñ to abhī ḳhuun ke dariyā se ravāñ haiñ

ye rañg tire shahr ke sahrā meñ kahāñ haiñ
galiyāñ haiñ na kūche haiñ makīñ haiñ na makāñ haiñ

kheltī haiñ rañg aapas meñ kuñvārī laḌkiyāñ
giit holī ke zabāñ par haath meñ pichkāriyāñ

rañgā hai ab to zamāne ne rañg
ye laal zard dikhā.ī karo huā so huā

āñkheñ haiñ surḳh hoñT siyah rañg zard hai
har shaḳhs jaise mere qabīle kā fard hai