Tags-Rang

ajiib rañg haiñ khīñche hī jā rahe haiñ mujhe
jo maiñ banātā nahīñ huuñ vahī na ban jaa.e

ik rañg thā lahū kā jo ashkoñ meñ aa gayā
kuchh dil ke dard the so vo sheroñ meñ Dhal ga.e

kahīñ se naqsh bujh ga.e kahīñ se rañg uḌ ga.e
ye dil tire ḳhayāl ko sambhāl kyuuñ nahīñ rahā

dāmān-e-bū-e-kākul-e-shab rañg chhoḌ de
yā rab kabhī ye zulm na bād-e-sabā kare

vādī-e-kashmīr kī nuzhat guloñ kā rañg-o-bū
sarv kā qad kabk kī raftār qamrī kā gulū

shabāb aayā hai paidā rañg hai ruḳhsār-e-nāzuk se
faroġh-e-husn kahtā hai sahar hotī hai gulshan meñ

dikhāyā mo.ajiza husn-e-bashar kā dast-e-qudrat ne
bharī tāsīr tasvīr-e-gilī ke rañg-o-roġhan meñ

vo rañg kyā hue vo bahāreñ kidhar ga.iiñ
ai ham-safīr saarā chaman hai luTā huā

āzmā.eñ lahū ko rañg-e-hinā
khul gayā der-pā nahīñ hotā

jo husn tū ne shakl ko baḳhshā vo bol uThā
jo rañg tū ne phuul meñ Daalā vo khil gayā

jal ga.iiñ āñkheñ sabhī ḳhush-rañg chehre uḌ ga.e
aisī garmī thī ki ā.īnoñ ke paare uḌ ga.e

zamīñ kā rañg vahī āsmāñ kā rañg vahī
vahī sabāhat-e-gul hai binā-e-sañg vahī

yādoñ ke sab rañg uḌā kar tanhā huuñ
apnī bastī se duur aa kar tanhā huuñ

badaltī jā rahī hai karvaToñ par karvaTeñ duniyā
kisī sūrat nahīñ khultā jahān-e-rañg-o-bū kyā hai

manchale buneñge ab rañg-o-bū ke pairāhan
ab sañvar ke niklegā husn kār-ḳhāne se

ik umr se duniyā kā hai bas ek hī aalam
ye kyā ki falak rañg badaltā hī nahīñ hai

mujhe us junūñ kī hai justujū jo chaman ko baḳhsh de rañg o bū
jo naved-e-fasl-e-bahār ho mujhe us nazar kī talāsh hai

ḳhvāb the ik din auj-e-zamīñ se kāhkashāñ ko chhū leñge
kheleñge gul-rañg shafaq se qaus-e-quzah meñ jhūleñge

nazm-o-afsāna likhūñ chup rahūñ yā baat karūñ
tum ba-har-rañg magar mujh meñ numāyāñ ho zarūr

zaḳhm-e-hunar kā rañg salāmat sab ko ḳhabar ho jā.egī
kitne chehre ham ne tarāshe haath qalam ho jaane tak