Tags-Rang

dekhiye rañg-e-hinā rū-e-shafaq josh-e-bahār
tā.ir-e-ḳhvāb to hai tāb-e-safar hai ki nahīñ

sham-e-mahfil kā huā ye rañg un ke sāmne
phuul kī hotī hai sūrat jaise murjhāne ke ba.ad

bārishoñ ne jab us kā
rañg-o-rūp dho Daalā

komal kaliyoñ jaisā merā paak pavitra sarīr
pavan ke chhūne se uḌ jaatā hai chehre kā rañg

jalte bujhte phūloñ se utrī ḳhushbū kī raakh
dho kar aag jo us ne dekhā añgāroñ kā rañg

hai ajab vaqt kī holī ki har ik chakkar par
suuī chehre pe nayā rañg hai malne vaalī

naaz thā ḳhūbi-e-guftār pe mujh ko lekin
aaj phūloñ ne pukārā mujhe rañg-o-bū se

rañg lā.egī nazākat baḌh kar
phuul ke baar se pattā.iyegā

kabhī charāġh kabhī dil jalā ke dekh liyā
zarā sā rañg to badlā dhuāñ nahīñ badlā

fareb-rañg na de jalva-e-bahār mujhe
azīz-tar haiñ chaman meñ guloñ se ḳhaar mujhe

ye un kī yaad ye tūfān-e-rañg-o-bū tauba
milī to dard meñ Duubī huī bahār mujhe

qarz kī piite the mai lekin samajhte the ki haañ
rañg lāvegī hamārī fāqa-mastī ek din

'shāhid' nigār ḳhāna-e-sad-rañg hai jahāñ
phir bhī vo naqsh aañkh se utrā nahīñ abhī

sunā hai bujhte bujhte bhī tumhāre sard o murda lab se
ek sho.ala shola-e-yāqūt-fām o rañg o ummīd-e-faroġh-e-zindagī-āhañg lapkā thā

kaise ḳhush-rañg haiñ zaḳhm-e-jigar o dāġh-e-jigar
ham dikhāte jo koī dekhne vaalā hotā

surḳhī ne un laboñ kī kiyā āshiqoñ kā ḳhuun
laalī jamī jo paT ke to kyā rañg laa.e hoñTh

ye bhī ik rañg hai shāyad mirī mahrūmī kā
koī hañs de to mohabbat kā gumāñ hotā hai

kahīñ sho.ala kahīñ shabnam, kahīñ ḳhushbū dil par
vo saman-bū hai bahar-rañg bahar-sū dil par

do-rañgī ḳhuub na.iiñ yak-rañg ho jā
sarāpā mom ho yā sañg ho jā

birah kī aag meñ sābit-qadam chal
'sirāj' ab sham.a kā ham-rañg ho jā