Tags-Rang

dil laraz rahā hai kyuuñ is ke ḳhat ko pā kar bhī
harf hans hai haiñ kyuuñ rañg ruḳh uḌā kar bhī

jo bhes apnā badal ke aayā to rañg-e-itlāq muñh se dhoyā
kiyā hai paanī meñ qaid mujh ko havā kī sūrat habāb meñ huuñ

ġhazal sunā.ūñ to daad pā.ūñ magar maiñ tum se bhī kyā chhupā.ūñ
tumhī ne saare hunar sikhā.e tumhī se rañg-e-'hilāl' aayā

shab hamārā chāñd chhat pe aayā to
rañg uḌ gayā thā āsmān kā

ham dostoñ ke pyaar meñ ham-rañg haiñ libās
aur log kah rahe haiñ ki vardī ḳharīd lī

kyuuñ hañste ho maiñ jo barahna aaj junūñ ke hāthoñ huuñ
kuchh din guzre maiñ ne bhī bhī rañg libās ik pahnā thā

mirī āñkheñ haiñ bazm-e-rañg-o-bū meñ muntazir terī
nahīñ ma.alūm tū kab tak hijāb-e-dil se niklegā

jab bhī aatā hai koī rañg zamāne jaisā
kuchh na kuchh sūrat-e-inkār nikal aatī hai

kis ne sochā thā ki rañg-o-nūr kī bārish ke ba.ad
ham faqat bujhte charāġhoñ kā dhuāñ rah jā.eñge

tū rañg mahak ruup meñ aayā tujhe paayā
iz.hār tire pyaar kā bharpūr huā hai

saaz ke TuuTe hue tāroñ ko phir se joḌiye
naġhma-e-ḳhush-rañg yā soz-e-tarab koī to ho

maiñ bhī din-rāt yahāñ kūza-garī kartā huuñ
us ke sab rañg mirī zaat meñ aa.e hue haiñ

ḳhvāb-parast! ujālā na kar
merā ḳhuun safed aur rañg faq hai

maiñ us gharāne kā chashm o charāġh huuñ jis kī
hayāt guzrī hai ḳhvāboñ meñ rañg bharte hue

bulbul kī kaf-e-ḳhāk bhī ab hogī pareshāñ
jaame kā tire rañg sitamgar chimanī hai

qarz kī piite the mai lekin samajhte the ki haañ
rañg lāvegī hamārī fāqa-mastī ek din

miTtī huī tasvīr meñ kyā rañg bharoge
miTnā thā jinheñ miT ga.e tum ḳhud ko sambhālo

koī chehra na ban paayā muqaddar kī lakīroñ se
so ab apnī hathelī meñ mujhe ḳhud rañg bharnā hai

sab mauj-e-havā meñ rañg us ke
ai momino ijtināb kaisā

ḳhud ko paane lagā tanhā.ī kī tārīkī meñ
is qadar shoḳh huā rañg-e-shanāsā.ī ki maiñ