Tags-Rang

ḳhudā jaane dikhā.egī ye kyā rañg
duā.eñ jam.a haiñ arsh-e-barīñ par

vajd ho bulbul-e-tasvīr ko jis kī bū se
us se gul-rañg kā da.avā kare phir kis rū se

tū mayassar thā to dil meñ the hazāroñ armāñ
tū nahīñ hai to har ik samt ajab rañg-e-malāl

nit-na.e rañg se kartā rahā dil ko pāmāl
barbat-e-jāñ meñ samāyā huā ik husn-e-malāl

nigāh milte hī rañg-e-hayā kī sūrat haiñ
chhalak uThīñ tire ruḳh se latāfateñ dil kī

qumrī kaf-e-ḳhākistar o bulbul qafas-e-rañg
ai naala nishān-e-jigar-e-soḳhta kyā hai

is qadar dhuup thī sañvlā ga.e raḳhshāñ chehre
jalte sūraj kā magar rañg bhī piilā dekhā

halqa halqa gesū-e-shab rañg-e-yār
mujh ko terī abtarī darkār hai

rañg kuchh sub.h-e-qayāmat kā alag hī hotā
chehra-e-mehr se bhī rañg uḌā denā thā

muñh surḳh ho rahā hai bīm-e-muġhāñ se us kā
jo kuchh hai rañg-e-mīnā so rañg-e-mohtasib hai

ye ḳhamoshī ye ghulāvaT ye bichhaḌte hue rañg
shaam ik dard bharā pyaar huī jaatī hai

gulshan meñ bandobast ba-rañg-e-digar hai aaj
qumrī kā tauq halqa-e-bairūn-e-dar hai aaj

hamārī tishnagī-e-dīd ik din rañg lā.egī
shahīdoñ kī qasam pyāsoñ ko tarsāyā nahīñ karte

har rañg hai tere aage phīkā
mahtāb hai phuul chāñdnī kā

tirā ḳhayāl shab-e-hijr phailtā hī gayā
hazār rañg kī sochoñ kā silsila ban kar

āTHvāñ rañg kyā diyā us ne
ab ke ḳhud rañg ho gayā huuñ maiñ

āsmānoñ meñ bhī ik aisī kamāñ hai jis se
koī ḳhush-rañg parinda nahīñ dekhā jaatā

ye mirā zabt hai yā terī adā kī tahzīb
rañg āñkhoñ meñ jhalaktā nahīñ armānoñ kā

abhī kamsin ho shabāb aa.egā aate aate
rañg badlegā abhī ālam-e-imkāñ apnā

usī kahānī ne rañg dī hai mirī javānī kī har nishānī
maiñ jis kahānī meñ zindagānī ke rañg bhartā javāñ huā thā